Rahat Shımashevanyń aıtýynsha, tótenshe jaǵdaıdyń engizilýine baılanysty qalada kómekkke muqtaj jandarǵa áleýmettik qoldaý kórsetilip otyr. Qarajat respýblıkalyq jáne jergilikti bıýdjetterden, sonymen qatar BizBirgemiz jáne «Jańa Alataý» qorlarynan bólinýde.
Máselen, karantın engizilýine baılanysty jedel telefon jelisine 11 myńnan astam qońyraý qabyldanǵan. О́z kezeginde Ál-aýqat basqarmasynyń basshysy atqarydyp otyrǵan tirlikterdi tómendegideı retpen málimdedi.
I. Qoldanystaǵy qoldaý sharalarmen qamtylmaǵan muqtaj jandarǵa «Jańa Alataý» qory men «Nur Otan» partııasynyń demeýshilik qarajaty esebinen azyq-túlik jıyntyǵy jáne sanıtarlyq-gıgıenalyq ónimderdiń paketteri túrinde áleýmettik kómek kórsetiledi.
Búgingi tańda atalǵan sebetter men jıyntyqtarǵa tapsyrys kelip túsken 5,2 myń adam ıe boldy. Olardyń qatarynda úıde otyrǵanjalǵyzbasty zeınetkerler, 2019 jyldyń aıaǵynda AÁK alýshylar, 2020 jyldyń AÁK-tiń jańa talaptaryna sáıkes kelmeıtin azamattar, senim telefonyna ótinish boıynsha basqa da muqtaj azamattar bar.
Bul kómek naqty muqtaj adamdarǵa Memleket basshysynyń tapsyrmalaryn oryndaý boıynsha qalalyq is-sharalar josparynyń 23-tarmaǵyna sáıkes kórsetiledi.
II. Elbasynyń bastamasymen qurylǵan BizBirgemiz qoǵamdyq qory halyqtyń áleýmettik osal toptarynan 23 myńnan astam adamǵa 50 myń teńgeden tóleýge shamamen 1,2 mıllıard teńge bólýdi josparlap otyr.
Osylaısha, 1-toptaǵy múgedekter, múgedek balany kútýmen aınalysatyn ata-analar sııaqty sanattaǵylar kómekterdiń birneshe túrin alady. Bul –BizBirgemiz qorynan beriledi, ıaǵnı 2 AEK mólsherindegi tólemder.
III. Eńbek jáne halyqty áleýmettik qorǵaý mınıstriniń tótenshe jaǵdaı rejımi kezinde 2020 jylǵy 25 naýryzdaǵy № 109 buıryǵyna sáıkes,azamattardyń jekelegen sanattaryn áleýmettik qamsyzdandyrý tártibi bekitildi. Búgingi tańda atalǵan azamattarǵa keminde 2 aılyq eseptip kórsetkish) kóleminde áleýmettik kómek kórsetildi. Respýblıkalyq bıýdjet qarajatynan
244,1 mln.teńgege 43,8 myń adamǵa tólendi.
Eńbek mınıstriniń buıryǵyna eńgizilgen ózgeristerge baılanysty III toptaǵy múgedekterge, resmı túrde jumyssyz retinde tirkelgen azamattarǵa 2 AEK mólsherinde qosymsha tólem josparlanyp otyr.
IV. Memleket basshysynyń tótenshe jaǵdaıdyń engizilýine baılanysty tabystarynan aırylǵan áleýmettik tólemderdi tóleý týraly tapsyrmasy aıasynda qujattar qabyldaý, sonymen qatar túsindirý jumystary júrgizilýde.
Tabysynan aıyrylǵan 6 myńnan astam qala turǵyny memleketten 1 jalaqynyń eń tómen mólsheri (42,5 myń teńge) kóleminde Memlekettik áleýmettik saqtandyrý qorynan áleýmettik kómek aldy.
Jalpy, osy járdemaqyny tóleý úshin búgingi tańda 83 myńnan astam adam jumys jasaıtyn kásiporyndardan 67 myń ótinish kelip tústi
