Qazaqstan • 07 Sáýir, 2020

COVID-19: Qytaıdyń bilikti dárigerleri Qazaqstanǵa kelmek

486 retkórsetildi

Qytaıdyń koronavırýsty aldyn alý jáne naýqastardy emdeýde tájirıbesi mol joǵary bilikti dárigerleri qazaqstandyq mamandarǵa kómek kórsetpek. Bul týraly coronavirus2020.kz saıtynda jarııalandy.

Quramyna koronavırýs ınfeksııasynyń aldyn alý jáne koronavırýsqa shaldyqqan naýqastardy emdeýde tájirıbesi mol joǵary bilikti dárigerler kiretin Qytaı delegasııasynyń mıssııasy - qazaqstandyq medısına qyzmetkerlerine COVID-19 qarsy kúreste konsýltasııalyq ádistemelik kómek kórsetý, onyń ishinde COVID-19 aldyn alý jáne baqylaýdyń Qytaı tájirıbesimen, jaqyn baılanystardy anyqtaý jáne oqshaýlaý tetikterimen tanysý, qoldanystaǵy klınıkalyq emdeý hattamalaryna usynystar berý jáne t.b.

Bul bastamany Qazaqstan tarapy osy jyldyń 24 naýryzynda Memleket basshysy Q-J. Toqaevtyń Qytaı Halyq Respýblıkasynyń (QHR) Tóraǵasy Sı Szınpınmen COVID-19 jańa koronavırýs ınfeksııasyna qarsy kúreste QHR-nyń Qazaqstanǵa jan-jaqty qoldaý kórsetýi týraly telefon arqyly sóılesý barysynda qol jetkizilgen ýaǵdalastyqty júzege asyrý maqsatynda usyndy.

Dıplomatııalyq arnalar arqyly qytaılyq sarapshylardy Qazaqstanǵa jiberýdi uıymdastyrý máselelerin sheshýge qatysty ekijaqty kelissózder júrgizilýde. Búgin 7 sáýirde QR densaýlyq saqtaý vıse-mınıstri L.M.Aqtaevanyń tóraǵalyǵymen QHR densaýlyq saqtaý komıteti ókilderi men qytaılyq dárigerlermen onlaın kezdesý ótti. Kezdesýge Qazaqstan tarapynan QR densaýlyq saqtaý vıse-mınıstri K.Nadyrov, QR Densaýlyq saqtaý mınıstrliginiń jaýapty hatshysy B.Jaqselekova, Nur-Sultan, Almaty, Qaraǵandy qalalaryndaǵy medısınalyq JOO rektorlary, Nur-Sultan, Almaty qalalary men Qaraǵandy oblysynyń densaýlyq saqtaý basqarmasynyń basshylary, sondaı-aq QR Syrtqy ister mınıstrliginiń ókilderi qatysty. Qytaı tarapynan Chjan Ganchan myrza – Qytaıdyń Shyńjań-Uıǵyr avtonomııalyq ólkesi (ShUAО́) Densaýlyq saqtaý komıtetiniń ınspektory, He Shaohýa myrza – Qytaı densaýlyq saqtaý komıteti Halyqaralyq yntymaqtastyq departamenti dırektorynyń orynbasary, qytaılyq dárigerler, Qytaıdyń Syrtqy ister mınıstrligi men QR-daǵy QHR Elshiliginiń ókilderi qatysty. Osy onlaın kezdesý barysynda taraptar 13 mamannan turatyn qytaılyq delegasııanyń Qazaqstanǵa saparynyń baǵdarlamasyn, yntymaqtastyqtyń basym baǵyttaryn, COVID-19 taqyryby boıynsha qazaqstandyq dárigerlerge arnalǵan trenıng taqyryptaryn, logıstıka máselelerin jáne t.b. keńinen talqylady. Delegasııa quramynda pýlmonologııa, ınfeksııa, shuǵyl terapııa, epıdemıologııa, qoǵamdyq densaýlyq saqtaý jáne t.b. sala mamandary bar. QHR dárigerleri sáýirdiń basynda Nur-Sultanǵa arnaıy uıymdastyrylǵan ushaqpen ushyp keledi. Sonymen qatar delegasııamen birge Qytaıdan gýmanıtarlyq kómektiń ekinshi bóligi de jetkiziledi dep kútilýde.

 

Sońǵy jańalyqtar

Qylmystyq top qarajatty ofshorǵa aýdarǵan

Ekonomıka • Búgin, 15:50

Jigittiń jaqsysy

Rýhanııat • Búgin, 15:30

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Kooperatıv kópke kerek

Aımaqtar • Búgin, 10:39

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Uqsas jańalyqtar