Abaı • 08 Sáýir, 2020

Tórimizde turýy tıis

67 retkórsetildi

Qazaqstan Respýblıkasynyń Prezıdenti Q.K.Toqaev «Abaı jáne XXI ǵasyrdaǵy Qazaqstan» atty maqalasynda: «Bıyl Abaı Qunanbaıulynyń týǵanyna 175 jyl tolady. Halqymyzdyń uly perzentiniń mereıtoıyn laıyqty atap ótý úshin arnaıy qurylǵan komıssııa daıyndyq jumystaryn bastap ketti.

Memleket kóleminde jáne halyqara­lyq deńgeıde aýqymdy is-sharalar uıymdastyrý josparlanyp otyr. Biraq munyń bári toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» dep jazǵan bolatyn. О́te mándi de mańyzdy oılar. Elimizde qazaqtyń Uly aqyny Abaı­dyń týǵanyna 175 jyl mereıtoıy­na arnalǵan aýqymdy da mańyzdy is-shara­lar bastalyp ketkeni kóńilge qýanysh uıalatady. Mereıtoıdyń deńgeıi bıik, ıgilikti sharalary mol bolady degen úmittemiz. Osy oraıda, atalǵan komıssııa músheleriniń nazaryna usynar bir oı bolyp tur.

Osy kúnderi kemeńger aqyny­myzdyń óleńderi men qara sózderin zerdeleı qaıtalap oqyp, jadymyzda jańǵyrtý úlken abyroı. Sonymen qosa Abaı atamyzǵa arnalǵan ústel ústine qoıatyn, bıiktigi 15 santımetrdeı kishirek músinshe keńes zamanynda kelisti jasalyp, dúkenderde satylatyn. Turpaty metaldan quıylǵan quıtymdaı músinshe. Bir kemistigi, ol músinshe quıylǵan metall qara-qońyr tústi edi. Biraq qazir sol músinsheniń ózin esh jerden tabý múmkin emes. Qaıtadan quıylyp, satýǵa qoıylmaǵan bolar. О́kinishke qaraı, osy músinsheni buqaralyq dúkender men antıkvarıat dúkeninen jyldap sabyla izdep tappaı júrmin.       

Osylardy aıta kele, ár qazaqtyń úıinde dombyramen qosa abyz aqynymyz Abaıdyń kishkene músinshesi úıdiń bas bólmesiniń tórinde turýy, birinshiden – paryz, ekinshiden – abyroı bolar edi dep oılaımyz. Ol úshin burynǵy quıylǵan músinsheni nusqa retinde paıdalanyp, qaıtadan quıyp, halyqqa keń taratý kerek. Árıne, «keń taratý», degenimiz – kelisimdi baǵaǵa satý. Usynys retinde aıtarymyz, aldaǵy quıylatyn músinsheniń nusqasy kúmis tústes aqsur metall qosyndylardan quıylsa óte tartym­dy bolar edi. Ýaqyt az, bul iske jumyla da jedel kirisken jón. Sonymen osy usynysymyz júzege asatyn bolsa, ardaqty oıshyl aqynymyzǵa kórse­tilgen qurmetimizdiń taǵy bir eleýli belgisi bolary sózsiz.

Bul músinsheni aǵaıyn, dos-jaran arasynda syıǵa da tartý qaı jaǵynan qarasyńyz da óte utymdy deýge bolady. Buryndary jáne qazir, sizder mynandaı kórinisterge kýá bolǵandaryńyz aıqyn. Kóbine ertede, shet memleketterden kelgen meımandarǵa dombyra nemese oıý-órnekti qumyra, bilezik syılaıtyn. Qazir qalyń shapan men bórik syılaıdy. Bireý túgili, bizdiń óz aramyzda da sol shapandardy kóshege kıip shyqqan adamdy kórmedik. Kezinde belgili jazýshy G.Belger onshaqty shapandy rejısser E.Tursynovqa kórsetip, bulardy ne isteý kerektigin bilmeıtinin aıtqan eken. Munyń durys-qısyqtyǵyn ózderińiz saralarsyzdar. Meniń oıymsha, osy Abaı atamyzǵa arnalǵan tolaǵaı toıǵa kelgen shetel meımandaryna shapan men bóriktiń ornyna Abaı músinshesin syılaǵan óte oryndy bolar edi. Osy usynystarymdy qoldaýlaryńyzdy  ótinemin.

 

Naqypbek SÁDÝAQASOV,

pýblısıst

 

Sońǵy jańalyqtar

Erteń Qyzylordada kún kúrt ysıdy

Aımaqtar • Búgin, 17:22

Sımptomsyz naýqastar úıde emdele alady

Koronavırýs • Búgin, 15:45

ForteMobile uıaly baılanysy iske qosylady

Tehnologııa • Búgin, 15:22

Mınıstr muǵalimdermen kezdesti

Bilim • Búgin, 14:47

Lıonel Messıdiń mereıi ústem

Sport • Búgin, 14:37

Aqmolada 3 adam sýǵa ketti

Aımaqtar • Búgin, 13:42

Uqsas jańalyqtar