Rýhanııat • 08 Sáýir, 2020

Elin órge súıreıtinder

18 retkórsetildi

Jetisý jastarynan quralǵan volonterler toby da tótenshe jaǵdaıda jumys isteýge kóshken bolatyn. Qazir oblystaǵy 17 aýdan men 3 qalada qaıyrymdylyq sharalary toqtaýsyz júrip jatyr. Jastar búginge deıin myńnan astam arnaıy aksııa uıymdastyryp úlgergen.

Volonterler negizinen eldi mekendegi ǵıma­ratttar men adam kóp júretin kóshelerdi dezınfeksııa jasaýǵa qolushyn berip, muq­taj otbasylarǵa azyq-túlik tasymaldaý, medı­sına­lyq antıseptık, jeke gıgıenalyq zattar jáne betperdemen qamtamasyz etýmen de aına­lysýda. Son­daı-aq «Meıirimdi Jetisý» volon­terlerdiń front-keńsesinde táýlik boıy jumys isteıtin jedel jeli iske qosylǵan. Tur­ǵyndar ortalyqqa áleýmettik jeli jáne telefon arqy­ly óz ótinishin aıtyp, kómek suraı alady. Mysaly, bir kún ishinde 117 adam front-keń­seniń áleýmettik jelidegi paraqshasy arqy­ly kó­mek surasa, 78 adam jedel jelige qońyraý soqqan eken.

Ásirese aýdandardaǵy erikti jastardyń eńbegi janyp tur. Tótenshe jaǵdaı kezinde kómekke muqtaj adamdarǵa qolushyn sozýdy paryz sanaǵan jastar kún saıyn jaqsylyq jasaýǵa tyrysyp jatyr. Solardyń qatarynda Eńbekshiqazaq aýdanynyń volonterleri de bar. Qazir óńirde «Biz birgemiz!» aksııasy aıa­synda qaıyrymdylyq sharasy bastaý al­ǵan. Erikti jastar kóp balaly, jalǵyzbasty já­ne turmysy tómen otbasylardy qajetti azyq-túlikpen, medısınalyq betperdemen qamtamasyz etýge jumylýda. Aksııa bastalǵaly beri eńbekshiqazaqtyq volonterler 71 otbasyna kómek jetkizip, jalpy quny 1 mln teńgeden astam qajetti zattar men azyq-túlik tabystaǵan.

– «Biz birgemiz!» aksııasyna aýdan jastary belsene qatysýda. Ásirese Qanat Teńgebaıuly bastaǵan «Imandy jastar» jáne Danııar Núsip­januly jetekshilik etetin «Jaqsylyqta ja­rysaıyq» volonterler toby jaqsylyq jasaýǵa yntaly. Olar úıdi-úıge azyq-túlik, gıgıenalyq zattar jetkizip berýmen qatar muqtaj jandarǵa qarjylaı da kómektesýde. Jaqynda volonterler aýdandyq jastar resýrs­tyq ortalyǵymen birlesip Uzaqbergen Erlan atty baldyrǵannyń emine qajetti 500 myń teńge qarajat jınap berdi, – deıdi Eńbekshiqazaq aýdandyq jastar resýrstyq ortalyǵynyń jetek­shisi Aıbek Ilebaev.

Kegen aýdanynda da volonterlerdiń «Jer­uıyq Kegen jastary» atty qoǵamdyq uıymy bar. Qurylǵandaryna kóp ýaqyt bolmasa da qor aýdandaǵy izgi sharalardan qalmaı, qaıyrym jasaýǵa bet burǵan. Jaqynda uıymnyń qu­ryl­ǵanyna bir jyl tolýyna oraı jastar bastama kóterip, muqtaj otbasyna turǵyn úı satyp ápe­ripti. Jalpy, mundaı ıgi qadam Jeti­sýdyń barlyq aýdanynda jasalyp jatyr. Biraq Kegen jastarynyń bul qadamy aıtýǵa turarlyq. Olar aýdannan kóship ketken, qazir qala mańynda turatyn jerlesterin izdep, taýyp, áleýmettik jaǵynan az qamtylǵan áýletter men kóp balaly otbasylarǵa da kómektesýdi bastapty. Mysaly, ótkende baspana syılaǵan otbasy buǵan deıin aýdandaǵy Tasashy aýylynda turǵan eken. Qazir Almaty qalasyna jaqyn Talǵar aýdanynyń Besaǵash aýylyna qonys aýdarǵan. Jerlesteriniń jaqsylyǵyn kórgen Azamat 5 qyz, 1 uldy ózi tárbıelep otyr. Otanasy dúnıe salǵasyn balalaryna jetimdik zaryn tartqyzbaý úshin tyrbanyp keledi. Qala mańyna da sol úshin kóship kelipti. Páter jaldap kúneltip otyrǵan. «Jeruıyq Kegen jastary» qorynyń qaıyrymy ol úshin kútpegen is edi. Qýanyshtysy, Azamattyń ul-qy­zy Besaǵashtaǵy jyly da jaryq úıde ósetin boldy. Endi olardyń ortalyq sý jelisi men kógildir otynǵa qosylǵan 4 bólmeli baspanasy bar.

Sondaı-aq Ile aýdanynyń volonterleri isker azamatpen birigip «Biz birgemiz!» aksııa­sy aıasynda aýyldarǵa kómek qolyn sozýda. Qaıy­­rymdylyq sharasyna alǵashqy bolyp ún qatqan «Arkaz Invest» jaýapkershiligi shek­teýli seriktestigi 3 myń otbasyna azyq-túlik salyn­ǵan qorap tabystady. Azyq-túlik jetkizý aýdan ortalyǵyndaǵy Energetık okrýginen bas­talyp, Baıserke, Jetigen, Qaraoı, Ashybulaq, Mej­dýrechensk, KazSIK, Chapaı, Kúrti, Boraldaı okrýg­terinde jalǵasty. Qajetti azyq-túlik aýyl­­darda turatyn muqtaj otbasylarǵa taratylýda. Zat­tardy tasyp, jetkizýge aýdandyq jas­­tar re­sýrs­tyq ortalyǵynyń belsendileri men to­ǵyz okrýg­­te turatyn volonter jastar ju­mylyp jatyr.

Jaqynda Qarasaı aýdanyndaǵy «Asyl Ar­man» turǵyn úı kesheni indet taralýyna baıla­nysty tolyqtaı oqshaýlanyp, karantınge ja­bylǵan bolatyn. Buǵan deıin bul aýmaq­tan eki adamnan koronavırýs ınfeksııasy anyq­talǵan edi. Erikti jastar syrtpen baılanysy toq­taǵan turǵyndarǵa Almaty oblysy ákim­digi­niń kómegimen tegin azyq-túlik jetkize bastady.

– Almaty oblysynyń ákimi Amandyq Batalov­tyń tapsyrmasyna sáıkes keshe karantındegi turǵyn úı kesheninde turǵyndarmen jıyn ótkizdik. Kezdesý barysynda birinshi kezekte biz azyq-túlikke óte muqtaj adamdardy anyqtadyq. О́ıtkeni karantınnen bólek turǵyndardyń kópshiligi jumyssyz qaldy. Biz olarǵa budan bylaı da qoldaý kórsetemiz. Muqtaj adamdardyń tizimi basqarýshy kompanııalardan kelip túsýde. Azyq-túlikten bas­qa turǵyn úı keshenine 10 myń danadaı birrettik maska taratyldy. Olar tegin taratylýda. Kómekke volonterler keldi, – deıdi oblys ákiminiń orynbasary Serik Turdalıev.

 

Almaty oblysy

 

Sońǵy jańalyqtar

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar