«Qazposhta» qashyqtan qyzmet kórsetedi

«Árıne tótenshe jaǵdaı posh­ta bólimsheleriniń jumys kes­tesine ózgerister engizdi. Qazir Nur-Sultanda 34 bólimsheniń 10-y, al Almatyda 91 bólimsheniń 30-y istep tur. Jumys ýaqyty da saǵat 10-nan 16.00-ge deıin qys­qardy. Almaty, Soltústik Qa­zaqstan oblystarynda já­ne Qaraǵandy qalasynda bólim­shelerdiń jumys ýaqyty 16.00-ge deıin, qalǵan aımaqtarda 17.00-ge deıin qysqardy. Kóptegen aımaqta jergilikti bıliktiń suraýymen bólimsheler demalys kúnderi de turǵyndarǵa qyzmet kórsetýde. Negizi, barlyq bólimsheniń jumys kestesi saıtta jańartylyp turady. «Qazposhta» qyzmetkerleri men klıentteriniń densaýlyǵyn saqtaý úshin sharalar qoldanylýda. Poshta bólimsheleriniń basshylary qyzmetkerlerdiń ál-aýqatyn baqylaıdy. Barlyq bólimshede ylǵaldy tazalaý jáne dezınfeksııalaý únemi júrgiziledi. Qyzmetkerlerge maskalar men sanıtarlyq tazartqyshtar beriledi, bólimshede qyzmet ala alatyn adamdar sany shekteýli, baılanyssyz qyzmet kórsetý oryndary anyqtalǵan, qashyqtyq belgileri syzylǵan», dedi ol.

Sonymen qatar S.Sársenov klıentterden asa qajettilik týma­ǵan jaǵdaıda poshta bólim­she­lerine barýdan bas tartyp, qashyqtan qyzmet kórsetýdi qoldanýǵa bolatynyn málimdedi.

«Bizdiń saıt jáne mobıldi qosymshamyz arqyly sálem­de­melerdi úıge jetkizýge, kýrerdi shaqyryp, zatyńyzdy alyp ketýge tapsyrys berýge bolady. Sonymen qatar kommýnaldyq nemese basqa da tólemderdi tóleýge, memlekettik organdarmen hat almasýǵa, gazet-jýrnaldarǵa jazylýǵa bolady. Eldegi jaǵdaıǵa qaramastan, barlyq poshtashylar men kýrerler posh­ta, hattar, gazetterdi shtattyq rejimde jetkizýde. Qyzmetkerler kún saıyn mar­shrýt­tar boıynsha sizderge qyz­met kórsetedi. Son­dyqtan olardyń eńbekterine qur­metpen qaraýlaryńyzdy, qaýipsiz qarym-qatynas erejelerin saqtaý­laryńyzdy suraımyn. Qolaı­syz epıdemııalyq jaǵ­daı kezinde «Qazposhta» qazaq­standyqtardyń úıden shyq­paı qyzmet alýy úshin barly­ǵyn jasaıdy. Zeınetaqy men jár­demaqy tóleý jónindegi jumy­symyz týraly aıtyp ótkim keledi. Biz burynǵydaı zeınet­aqy men járdemaqylardy 80 jas­tan asqan zeınetkerlerge jáne azamattardyń erekshe sana­tyna úılerine deıin jetki­zip beremiz. Endi qazir qozǵa­lys­tyń shektelýine baılanys­ty, barlyq zeınetkerge sáýir aıynyń zeınetaqylaryn úılerine jet­kizýdemiz. Qalaǵandaryna tólem kar­tasyn ashyp, aqshalaryn sol kartaǵa aýdaryp, kartalaryn úılerine jetkizip berip ja­tyrmyz. Eńbek jáne halyq­ty áleýmettik qorǵaý mınıstr­ligimen birge 1-15 sáýir araly­ǵynda zeınetaqyny úıge jetkizý kestesin bekittik. Sol keste boıynsha búginde 389 572 zeınetkerdiń úıine zeınetaqylaryn jetkizip, 6 myńǵa jýyq zeınetkerdi tó­lem kartalaryna kóshirdik. Zeı­netkerlerdiń ishinde karantın bitken soń zeınetaqylaryn bólim­shege kelip alǵylary kele­tinder de bar. Biz olarmen únemi baılanysta bolamyz. Sondaı-aq mekenjaıyn nemese telefon nómirlerin ózgertkender bar, bizge habarlasyp, ótinishin qal­dy­rýlaryn suraımyz», dedi S.Sársenov.

Qazir Memleket basshysynyń tapsyrmasymen tabyssyz qalǵan azamattarǵa aı saıyn 42 500 teńge kóleminde áleýmettik kómek aýdaryla bastady. Ony alý úshin ózin-ózi jumyspen qamtyǵan adamdar arnaıy shot ashyp biryńǵaı tólemdi tóleýleri kerek. Osyǵan baılanysty, «Qazposhtanyń» barlyq bólimshesinde, sonyń ishinde aýyldyq jerlerde, ekspress-kartalar men aǵymdaǵy sho­t­tardy ashyp, tólemder qa­byldap jatyr.

«Ulttyq banktiń túsindirýi boıynsha, osy járdemaqyny alý úshin arnaıy shot ashýdyń qajeti joq. Bul járdemaqyny bank, salyq organdary, sot at­qa­rýshylarynyń alýǵa quqyqtary joq. Kez kelgen banktiń nemese «Qazposhtanyń» ádettegi kart-shottaryn paıdalanýǵa bolady. Sońǵy 6 kúnde 237 myńǵa jýyq klıentke qyzmet kórsettik. 2020 jyldyń 7 sáýirinde 126 204 shot ashyldy, 163 129 adamnan BJT (biryńǵaı jıyntyq tólem)tólemi qabyldandy. BJT onlaın tóleý múmkindigi týraly barlyq nusqaýlar «Qaz­poshtanyń» áleýmettik jeli­ler­degi paraqshalarynda jáne saıtta ornalastyrylǵan. Sizge yńǵaıly bolý úshin biz qazirgi ýaqytta post.kz saıtynda shotty onlaın ashyp, vırtýaldy kar­ta shyǵarý qyzmetin iske qosý múm­kindigin qarastyrýdamyz. Qyz­mettiń iske qosylýy týraly qosymsha habarlaımyz. Eger «Qazposhta» bólimshesine kel­seńiz, sizdi qaýipsiz qyzmet alý erejelerin, atap aıtqanda, bólim­shege maskamen barý jáne eń bastysy, qashyqtyqty saqtaý­ǵa shaqyramyz. О́zińizdi, jaqyn­daryńyzdy jáne bizdiń qyzmet­kerlerimizdi vırýsty juqtyrýdan saqtańyz», dedi «Qazposhta» AQ basqarma tóraǵasy.