Parlament • 08 Sáýir, 2020

Senatorlar birqatar zań jobalaryn qashyqtan talqylady

9 retkórsetildi

Parlament Senatynyń Ekonomıkalyq saıasat, ınnovasııalyq damý jáne kásipkerlik komıteti qashyqtan otyrys ótkizdi, dep habarlady Senattyń baspasóz qyzmeti.

Onda birqatar máseleler talqylandy. Olardyń ishinde «Qazaqstan Respýblıkasynyń keıbir zańnamalyq aktilerine kóshi-qon prosesterin retteý máseleleri boıynsha ózgerister men tolyqtyrýlar engizý týraly» zań jobasy boldy. Bul qujat boıynsha Eńbek jáne halyqty áleýmettik qorǵaý mınıstriniń orynbasary Aqmádı Sarbasov pen senator Álimjan Qurtaev baıandama jasady.

Osy máseleni qaraý barysynda depýtattar Qazaqstannyń barlyq óńirleriniń aýmaǵynda sheteldik jumys kúshin tartýǵa arnalǵan kvotany qoldanýdy, oralmandardy ýaqytsha ornalastyrý ortalyqtary men beıimdeý jáne kiriktirý ortalyqtarynyń jumys isteýin, oralmandardy oqytý, qaıta oqytý jáne jumysqa ornalastyrý máselelerin talqylady. Depýtattar sondaı-aq zań jobasyn ázirleýshilerge oralman turaqty turýǵa arnalǵan qujattardy alǵan kezde memlekettik baj salyǵyn tóleýge, «oralman» uǵymyn paıdalanýǵa, sondaı-aq «qandas» jáne «repatrıant» anyqtamalaryn engizýge qatysty suraqtar qoıdy.

Odan keıin «Qazaqstan Respýblıkasynyń keıbir zańnamalyq aktilerine atom energııasyn paıdalaný salasyndaǵy azamattyq-quqyqtyq jaýaptylyq máseleleri boıynsha ózgeris pen tolyqtyrýlar engizý týraly» zań jobasy talqylandy. Bul másele boıynsha elimizdiń energetıka mınıstriniń orynbasary Qaırat Rahımov men senator Mıhaıl Bortnık baıandama jasady.

Kún tártibindegi ekinshi máseleni qaraý barysynda senatorlar ıadrolyq zalaldar úshin ıadrolyq qondyrǵy operatorymen nemese ıadrolyq qondyrǵylardyń biryńǵaı operatorymen jasalǵan azamattyq-quqyqtyq jaýapkershilikti saqtandyrý sharty boıynsha saqtandyrý somasyn tóleý kózderin talqylady.

Zań jobalaryn talqylaý nátıjesi boıynsha komıtettiń qorytyndylary bas komıtetterge jiberildi.

Sońǵy jańalyqtar

Jumys sapasyn baqylaý kúsheıedi

Aımaqtar • Búgin, 17:30

Qyzylordada 1881 túlek mektep bitirdi

Aımaqtar • Búgin, 17:18

Uqsas jańalyqtar