117 jyldyq tarıhy bar aıtýly dodada talaı jaqsylar men jaısandardyń óner kórsetkeni belgili. Osy jarysta eń kóp júlde alǵandar – fransııalyq Jak Anketıl (1957, 1961-64) men Bernar Ino (1978-79, 1981-82, 1985), germanııalyq Edýard Merks (1969-1972, 1974) jáne ıspanııalyq Mıgel Indýraın (1991-95). Sol sańlaqtardyń árqaısysy bes retten top jardy. Keıinnen Lens Armstrong (1999-2005) olardyń aldyn orap ketti. Alaıda «Týr de Franstyń» jeti dúrkin jeńimpazyna «dopıng qoldandy» degen aıyp taǵylyp, AQSh sportshysy barlyq ataq-dańqynan aıyryldy.
2009 jyly osy jarysta «Astananyń» sapynda óner kórsetken ıspanııalyq veloshabandoz Alberto Kontador dara shyqsa, 2014 jyly ıtalııalyq Vınchenso Nıbalıge teń keler eshkim tabylmady. Aıtýly komanda basqa da asa bıik belesterdi baǵyndyryp, barsha qazaqstandyq jankúıerlerdi qýanysh pen shattyqqa bólegeni esimizde.
Koronavırýstyń kesirinen «Týr de Frans» bıylǵy jyly belgilengen ýaqytynda ótpeıtin boldy. Velosport salasynyń basy-qasynda júrgen azamattar qazirgi kezde bul básekeni 25 shilde men 16 tamyz aralyǵynda uıymdastyrý jaǵyn qarastyrýda.
