Sport • 08 Sáýir, 2020

«Qaırat» fýtbol klýby oıynshylarynyń eńbekaqysy 50% qysqardy

19 ret kórsetildi

Fýtboldan Almatynyń «Qaırat» klýbynyń oıynshylary men bapkerleri jáne shtattaǵy qyzmetkerleriniń barlyǵynyń da sáýir aıyndaǵy eńbekaqylary 50% qysqardy. 

Búgingi tańda barsha jurt koronavırýs dep dúrligip jatqan tusta bul bir quptarlyq is boldy. Eń bastysy, osyndaı qadamǵa barý qajettigi jaıynda bastama kótergen fýtbolshylar men bapkerlerdiń ózderi eken. Olardyń bul sheshimin basshylyqtan bastap, qatardaǵy qyzmetkerlerge deıin biraýyzdan  qoldady.

­– Qazirgi kezde kúlli álem jurtshylyǵy asa qıyn kezeńge tap bolyp otyr. Koronavırýs barlyǵymyzdyń úreıimizdi aldy. Qalalar karantıge jabyldy. Bıznesten bereke ketti. Sporttyq saıystar toqtatyldy. Bizdiń de dop teppegenimizge biraz ýaqyt boldy. Osyndaı qıyn-qystaý kezeńde barlyǵymyz bir judyryq bolyp jumylýymyz kerek. «Qaırat» klýbynyń basshylyǵy árkez óz oıynshylaryna qoldaý kórsetip keledi. Al ár jaqsylyqtyń qaıtarymy bolýy kerek. Biz de óz tarapymyzdan sanaly túrde osyndaı qadamǵa barýdy jón kórdik. Jaqyn arada indet seıilip, bári de óz qalpyna keletinine senimdimin. El chempıonaty tezirek óz jalǵasyn tapsa eken. Shyny kerek, barlyǵymyz fýtboldy qatty saǵynyp qaldyq, – deıdi «Qaırattyń» qorǵaýshysy Rade Dýgalıch.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar