Qalanyń qazaǵy munyń ıa besqonaq ekenin, ıa basqa ekenin dóp basyp aıta almaı ár túrli joramaldaıdy. Ne bolsa da sáýirde soqqan boran, túsken qar, jaýǵan jańbyr qutty bolyp, arty yryzdyqty bolady degen yrymdap otyr. Qandaı tosyn qubylysty da jaqsyǵa telıtin xalyqtyq tanym salǵan súrleý - osy.
Endi pálsapany sál qoıa turyp kúndelikti turmystyń jaıyn baıandaıyq. Qostanaıda keshegi boran saldarynan isten shyqqan elektr jelisi áli jóndelgen joq. Qala áli jartylaı jaryqsyz otyr. Internet jeli de shabandap qaldy. Polısııa keshe Qostanaı men Rýdnyıdyń ortasynda jolda qalǵan 70-ten astam jolaýshyny qar qursaýynan qutqarǵan. Rýdnyı qalasyna eń birinshi kezekte balalar men qart kisiler jetkizilgen. Kommýnaldyq qyzmetter kesheden beri tynbyı jol arshyp jatyr. Turǵyndardyń aıtýynsha dúkenderdiń kóbine nan, sý túspegen. Tıisti organdar túske deıin resmı málimet berýi tıis.
