Qazaqstanda jarııalanǵan tótenshe jaǵdaı kezindegi qıyndyqtarǵa qaramastan, quramynda birneshe iri alkogoldi jáne alkogolsiz sýsyndar shyǵaratyn zaýyttary bar AsiaWaters óndiristik jáne saýda kompanııasy qazaqstandyqtardy profılaktıkalyq jeke qorǵanys quraldarymen qamtamasyz etý úshin antıseptıkterdi shyǵarýdy bastady.
О́ıtkeni, pandemııa jaǵdaıynda elimizde jeke qorǵanys quraldarynyń jetispeýshiligi týyndap otyr. Sonyń saldarynan qazaqstandyqtar ózderin jetkilikti túrde juqtyrýdan qorǵaı almaýy qalýy ábden múmkin. Eń basty qorǵanys quraldarynyń jáne «dárilerdiń» biri de – bul antıseptık.
Kúshti alkogoldi ishimdikterdi óndirýshi retinde AsiaWaters óndiristi jartylaı qaıta jandandyrýǵa jáne eldegi tapshylyqty joıý úshin antıseptıkalyq preparattardy óndirýdi bastaýǵa sheshim qabyldady.
«Naryqtyń antıseptıkterge degen shuǵyl qajettiligin eskere otyryp, jańa ónimdi shyǵarýdy uıymdastyrýǵa baılanysty qosymsha qarjylyq shyǵyndarǵa qaramastan sheshim dereý qabyldandy. Osy ýaqytqa deıin biz elimizde kúshti alkogoldiń jalǵyz óndirýshisi bolyp tabylatyn edik, endigi ýaqytta, tıisti memlekettik organdarda tez tirkelip, sertıfıkattaýdan ótip, sapaly jáne qaýipsiz antıseptıkalyq preparattardy qoljetimdi baǵamen shyǵarýdy uıymdastyrdyq», deıdi AsiaWaters kommersııalyq dırektory Rýslan Lamanov.
0,5 lıtr, 1 lıtr jáne 5 lıtr kólemindegi «Aseptdezın» antıseptıkteriniń alǵashqy partııasy «Kókshetaý mıneraldy sýlary» AQ («AsiaWaters» kompanııasynyń quramyna kiredi) iri óndiris oryndarynyń birinde shyǵaryldy. Antıseptıkalyq resept, DDU usynymdary boıynsha, «Kentavr» Aqtóbe spırt zaýytynyń tehnologtary jasalǵan. Memlekettik standarttarǵa sáıkes, antıseptık QR Densaýlyq saqtaý mınıstrliginde tirkeýden jáne sertıfıkattaýdan ótti, bul onyń qaýipsizdigi men sapasyn rastaıdy.
KMWdırektory Stanıslav Maksımes: «Aseptdezın saýda markasymen antıseptık juqpaly aýrýlardyń aldyn alý úshin qoldy tazartýǵa arnalǵan jáne barlyq sanıtarlyq jáne sapalyq standarttarǵa sáıkes keledi. Antıseptık quramynda alkogol, sýtegi asqyn totyǵy jáne terini jumsartatyn ıngredıentter bar.
О́tken táýlikte Kókshetaý mıneraldy sýlarynyń negizinde 80 myń lıtr antıseptıkter shyǵaryldy. Jalpy, 15 sáýirge deıin 600 myń lıtr antıseptık shyǵarý josparlanǵan. Osy maqsatta nemis óndirýshisi Krones óndirisiniń jelisi arnaıy jóndeýden ótti. О́ndiris kólemi naryqtyń qajettiligi men shıkizattyń jetkizilýine baılanysty, biraq óndiristik qýattylyq kóbirek múmkindik beredi», deıdi.
AsiaWaters osyndaı antıseptıkti Qostanaı qalasyndaǵy spırt zaýytynda da shyǵarady. Qazirgi ýaqytta kompanııa medısınalyq mekemeler men memlekettik uıymdardan tapsyrys qabyldap jatyr. Jaqynda eldegi dúkenderde jańa antıseptık paıda bolady. Usynylǵan baǵa 0,5 lıtr úshin 1730 teńge, 1 lıtr úshin 2640 teńge, 5 lıtr úshin 11 880 teńge bolady.
Qolǵa arnalǵan antıseptıkter quramyna qaraı eki túri bar – hlorly jáne alkogoldi. Birinshisi terige jumsaq bolsa, biraq alkogoldiden aıyrmashylyǵy, qazirgi jaǵdaıda tıimdiligi az. Medısınalyq mekemeler ádette alkogoldi antıseptıkterdi qoldanady. Aseptdezın quramynda glıserın – terini jumsartý úshin jáne spırt – sańyraýqulaqshalardan, vırýstardan jáne bakterııalardan qorǵaýǵa arnalǵan.
Sondaı-aq, kompanııa tótenshe jaǵdaılar kezinde sertıfıkattalmaǵan jáne sapasyz antıseptıkalyq zattardy satý jıilep ketkendikten, alar kezde japsyrmany muqııat oqyp, saq bolýdy eskertedi.
ALMATY
