Aımaqtar • 08 Sáýir, 2020

Túrkistan: 400-ge jýyq medısına qyzmetkeri qaýip-qaterdiń ortasynda júr

34 ret kórsetildi

Túrkistan oblysynda 400-ge jýyq dáriger, orta jáne kishi býyn medısına qyzmetkerleri adam ómirine arasha  túsip, koronavırýs indetimen kúresýde.

Oblys boıynsha koronavırýstyq ınfeksııamen aýyrǵan naýqastardy jatqyzý úshin 150 tósek-oryn jasaqtalǵan.  Pandemııalyq indetke uqsas klınıkasy bar naýqastardy jatqyzyp,  dıagnozdaryn anyqtaý maqsatynda 510 tósek - orynǵa provızorlyq gospıtaldar qarastyrylǵan.  Odan bólek barlyq aýdandar men qalalardaǵy ınfeksııalyq aýrýlar bólimderi daıyn.  Qarym-qatynasta bolǵandardy oqshaýlaý úshin oblys aýmaǵyna 955 tósek orynǵa karantındik ortalyqtar ashylǵan. Mine osy medısınalyq mekemelerde naýqastarǵa qyzmet kórsetetinderdiń amandyǵy men saqtyǵy, qaýipsizdik sharalarmen tolyq qamtylýy mańyzdy.

Naýqastarǵa táýlik boıy medısınalyq em kórsetip júrgen «Jetisaı aýdandyq ınfeksııalyq gospıtaldyń» meńgerýshisi  Zamıra Tashımova indetke shaldyqqan naýqastardyń qınalǵanyn kórgende júregi aýyratynyn aıtady. «Biraq, qıyn sátte barynsha bekem bolyp, tabandylyq kórsetýimiz qajet ekenin túsinemiz. О́z tarapymyzdan da barlyq saqtyq sharalaryn qadaǵalaýdamyz. 14 kún saıyn tekserilip, koronavırýs indetine synama tapsyramyz», deıdi Zamıra Ilııasqyzy.

Al, Túrkistan qalalyq ortalyq aýrýhanasy juqpaly aýrýlar bóliminiń karantındik rejımde jumys istep jatqan dárigerleri turǵyndardy barlyq tyıymǵa túsinistikpen qaraýǵa shaqyrady. Eki aptadan beri úı betin kórmegen Túrkistan oblystyq Qoǵamdyq densaýlyq basqarmasynyń shtattan tys ınfeksıonıst-dárigeri Zamıra Djýrabekova otbasymen qaıta qaýyshatyn kúndi armandaıdy. О́z ómirlerin báske tikken osyndaı  dárigerlerdiń eńbegi eren. Iаǵnı árbir azamat karantın kezindegi barlyq talapty oryndap, ózin indetten qorǵaý arqyly  dárigerlerge de qaýip tóndirmeıtinin umytpaǵany jón.

 

 

Túrkistan oblysy

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar