Gýterrısh úıde oqshaýlaný jáne COVID-19 vırýsynan saqtanýda karantın rejıminde agressııaǵa tap bolǵan áıelder máselesin qozǵady. Onyń aıtýynsha, ekonomıkalyq daǵdarys, áleýmettik jaǵdaılardyń ýshyǵýy, qorqynysh pen úreıge toly kezeńde otbasyndaǵy zorlyq-zombylyqtyń jahandyq sıpat alyp otyrǵanyna toqtaldy. Osy oraıda keıbir elderde qoldaý qyzmetine júginetin áıelderdiń sany eki ese artqan.
BUU málimeti boıynsha, álemde 2017 jyly qaıtys bolǵan áıelderdiń 58 paıyzy otbasy múshesiniń qolynan qaza tapty. Pandemııa jaǵdaıynda kóptegen elderde medısınalyq mekemelerdiń, mamandar men polıseılerdiń sonymen qatar jergilikti qoldaý toptarynyń jetispeýshiligi men olarǵa qarjylaı múmkindiktiń joqtyǵy beleń alýda. Al kóptegen elderde úı zorlyǵynyń qurbandaryna arnalǵan baspanalar jabylyp, basqalarynda oryn jetispeýshiligi baıqalady.
BUU Bas hatshysy osy oraıda azamattyq qoǵamda onlaın qoldaý qyzmetteri men uıymdardy qarjylandyrý kólemin arttyrý jáne áıelderge kúsh kórsetetinderdiń zańmen jazalanatyndyǵyn qaperde ustaý qajettigin eskertti. Sondaı-aq, qoldaý qyzmetteri qabyldaý ortalyqtarynyń meken-jaıy jarııalap, azyq-túlik dúkenderi men dárihanalarda zorlyq-zombylyq qaýpi týraly jedel habarlaý júıelerin ornatýdy usyndy. Mundaı jaǵdaıda áıelderdiń ómirine qaýip tónbeýi qajet ári jábirleýshi bul jaǵdaıdan habarlanyp úlgermeýi tıis.
