Kıno • 08 Sáýir, 2020

«Dombyra» fılmi Ispanııa festıvalinde júldeli boldy

36 retkórsetildi

«Qazaqfılm» kınostýdııasynyń «Debıýt» shyǵarmashylyq birlestigi Mádenıet jáne sport mınıstrliginiń tapsyrysymen túsirgen «Dombyra» qysqametrajdy fılmi Ispanııada ótken Short Of The Year qysqametrajdy fılmder baıqaýynyń qysqy maýsymynda qazylar alqasynyń arnaıy júldesimen marapattaldy.

Kartına jelisinde dombyranyń qulaǵynda oınap, úlken sahnada óner kórsetýdi armandaǵan Áset esimdi balanyń ómiri baıandalady. Kartınanyń rejısseri – Ramazan Qalıolla. Ssenarıı avtorlary – Ramazan Qalıolla, Janat Jaılybaı.

Short Of The Year festıvali jyldyń ár maýsymynda shyǵatyn 4 shyǵarylymnan turady (qys, kóktem, jaz jáne kúz). Ár maýsymda uzaqtyǵy 30 mınýttan aspaıtyn 50-ge jýyq kórkem, anımasııalyq, derekti, eksperımenttik jáne mýzykalyq fılmder báıgege túsedi.

«Qazaqfılm» kınostýdııasy baspasóz qyzmetiniń aqparaty boıynsha festıvaldiń «Eń úzdik kórkem/derekti/anımasııalyq/eksperımenttik /mýzykalyq qysqametrajdy fılm» sııaqty resmı nomınasııalarynan bólek qatysýshylar «Qazylar alqasynyń arnaıy syılyǵy» úshin synǵa túsedi. Osy júldege ıe bolǵan kınotýyndylar dúnıe júzinde ótetin festıvalderge tegin joldama alady.

Kınotýyndy ótken jyly Almatyda ótken IV Halyqar alyq Baiqonyr ISFF kınofestıvaliniń konkýrstan tys baǵdarlamasynda kórsetilip, «Brodveıdiń tańdaýy» syılyǵyn alǵan. Sondaı-aq, bul fılm Nıý-Delı qalasynda ótken 8-shi Halyqaralyq qysqametrajdy fılmder kınofestıvalinde (Delhi Shorts International Film Festival) «Úzdik fılm» júldesin jeńip alyp, Sensus HKF jáne 19-shy Kids First baıqaýyna da qatysqan bolatyn.

 

ALMATY

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar