Qoǵam • 08 Sáýir, 2020

«Jumyla kótergen júk jeńil» - Aqan ABDÝALIEV

155 retkórsetildi

Qazaq qaı zamannan da sabyrmen dos, aqylmen joldas halyq. Sonyń arqasynda neshe túrli qıyn-qystaý zamannan ótip, shekarasyn shegendep, el-jurtyn túgendep, osy beıbit kúnge jetti. Álem jurtyn alańdatqan aty jaman aýrýdan da qutylýdyń bir joly – sol birlikte bolsa kerek-ti.

Elbasy Nursultan Ábishuly Nazarbaevtyń «Birlese bilgen el bárin jeńedi» maqalasy Ult Kóshbasshysynan demeý kútken halyqqa úlken úmit pen bolashaqqa senim syılaǵan, der kezinde joldanǵan úndeý boldy der edim. Qazaqstan halqyna Elbasynyń úndeýiniń mańyzy zor. О́ıtkeni, táýelsiz Qazaqstannyń Tuńǵysh Prezıdenti – Elbasy adamzat balasyna bir emes, birneshe jahandyq joba usynǵan jáne onyń júzege asýyna tikeleı yqpal etken tarıhı tulǵa. Ashýdy aqylǵa jeńgizip, kúmán men kúdikti úmitke ulastyra biletin bitimger basshy tórtkúl dúnıeni mámilegerligimen, bastamashyldyǵymen, beıbitqumarlyǵymen tánti etip, eldiń yqylasyna bólenip keledi. Buǵan Elbasynyń halyqaralyq jıyndardyń bıik minberlerinen jasaǵan málimdemeleri men jahan jurty jumylyp júzege asyryp jatqan jarqyn jobalary dálel. Búkil álemmen qosa, almaǵaıyp zamannyń tabaldyryǵyna tap bolǵan qazaq eline jasaǵan búgingi málimdemesi de, elge serpin, jastarǵa jalyn bereri anyq.

Osyndaı qıyn sátte Ult Kóshbasshysy halyqtyń qamyn oılap, el erteńi úshin alańdaýshylyq tanytyp otyr. Adamzattyń júregine jara bolyp jabysqan jahandyq jaǵdaıǵa alań kóńilmen qaraıtyn, onyń ishinde qazaq eliniń erteńi úshin batyl sheshimge bara alatyn Elbasy búgin de árqashan el-jurtpen birge ekenin kórsetti. Ult zııalylary men jastarǵa úndeý joldap, álemdik tyǵyryqtan shyǵýy, memleketimizdiń bul qıyndyqtan ótip ketýine qatysty kóregen sheshim aıtty deýge bolady. Árıne, ol – el birligi. Ulttyń tutastyǵy da, halyqtyń yntymaǵy qazir eń mańyzdy kúsh. «Jumyla kótergen júk jeńil» ekenin umytpaıyq. Elbasy bastamasyn qoldap, qıyn kezeńde eldigimizdi, birligimizdi kórseteıik.

Biz – birgemiz! Barlyq qıyndyqty birge jeńemiz! El – aman, jurt tynysh bolsyn!

 

Aqan ABDÝALIEV,

Qazaqstan Respýblıkasynyń Eńbek sińirgen qaıratkeri, T.Q.Júrgenov atyndaǵy Qazaq ulttyq óner akademııasynyń rektory

 

 

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar