Koronavırýs • 08 Sáýir, 2020

Koronavırýs: Densaýlyq saqtaý mınıstrligi WhatsApp-ta resmı chat-botty iske qosty

95 retkórsetildi

Búgin Densaýlyq saqtaý mınıstrliginiń Sıfrlandyrý keńsesi koronavırýs (COVID-19) jaıly halyqty aqparattandyrý úshin WhatsApp jelisinde resmı chat-botty iske qosty. Onda koronavırýsqa qatysty ózekti ári shynaıy aqparat tegin usynylady.

WhatsApp-taǵy resmı arna arqyly el turǵyndary aptasyna 7 kún, táýligine 24 saǵat koronovırýs jaıly jıi qoıylatyn suraqtarǵa jaýap ala alady. 

Densaýlyq saqtaý mınıstrliginiń WhatsApp chat-botyn qoldaný úshin:

  1. +7 705 812 69 67 nómirin telefonyńyzǵa saqtańyz nemese https://wa.me/77058126967 siltemesine ótińiz;
  2. aqparat alý úshin WhatsApp-ta atalǵan nómirge kez-kelgen mátindi habarlama jiberińiz;

Sonymen qatar resmı nómir QR Densaýlyq saqtaý mınıstrliginiń saıtynda www.dsm.gov.kz jarııalanady.

WhatsApp-tyń bas operasııalyq dırektory Mett Idemanyń aıtýynsha, osy qıyn kúnderde adamdar jaqyndarymen, dostarymen baılanysyp, qoldaý kórsetý úshin WhatsApp-ty ádettegiden kóbirek qoldanýda.

«Biz Qazaqstannyń Densaýlyq saqtaý mınıstrligine baılanystyń jańa tásilin usyna alǵanymyzǵa qýanyshtymyz. Jańa júıe azamattardyń saýaldaryna tez jaýap berip, jalpyǵa ortaq qaýipsizdikti qamtamasyz etýge múmkindik beredi», deıdi ol.

Resmı chat-bot WhatsApp Business API-diń resmı servıs-provaıderi Infobip kompanııasymen birlesip daıyndaldy. Infobip baılanys platformasyn usyndy, al kompanııa qyzmetkerleri qysqa merzim ishinde chat-botty ázirlep, iske qosýǵa qoldaý kórsetti.

«Búginde jaýapkershiligi bar kez-kelgen bıznes qolda bar múmkindik pen ınnovasııany COVID-19 pandemııasyna qarsy qoldaný týraly oılaný kerek. Qoldanýshylarǵa yńǵaıly arnalar arqyly aqparatqa qoljetimdilikti uıymdastyrý mekemeler úshin negizgi qajettiliktiń biri. Aǵymdaǵy jaǵdaıda ortaq qaýipsizdikti qamtamasyz etý mańyzdy mindetke aınalyp otyr», deıdi Infobip kompanııasynyń Ortalyq Azııadaǵy aımaqtyq dırektory Iskander Qalybekov.

Álemniń birqatar densaýlyq saqtaý mınıstrlikteri halyqty koronavırýs týraly aqparattandyrý úshin WhatsApp arnasyn qoldanady. Dúnıejúzilik Densaýlyq saqtaý uıymy, Sıngapýr úkimeti, Izraıl men Ońtústik Afrıkanyń Densaýlyq saqtaý mınıstrlikteri, Indonezııanyń aqparat jáne kommýnıkasııalar mınıstrligi sonyń qatarynda.

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar