– Bul quqyqbuzýshylyq búgin Áýezov aýdanynda bolǵan. Sýbarý kóligi Saın kóshesimen ońtústikke kele jatyp polısııa postyndaǵy qyzmetkerlerdiń toqtaý týraly talabyna qulaq aspaǵan. Onymen qoımaı polısııa qyzmetkeriniń aıaǵyn basyp ketken. Júrgizýshiniń artynan qýǵynǵa túsken polısııa ony Abaı Altynsarın kósheleriniń qıylysynda ustady. 37 jastaǵy er adamnyń kóligin tintý kezinde qarý tabyldy. Qazir oǵan qatysty QR QK 379-babymen sotqa deıingi tergeý isi tirkeldi. Sonymen qatar, bul jigitten pyshaq tabyldy. Endi ustalǵan jigit qylmystyq jaýapkershilikke tartylady. Qyzmettik mindetin oryndaý kezinde polısııa qyzmetkerleriniń densaýlyǵyna zaqym keltirý nemese baǵynbaý qylmystyq jaýapkershilikke ákeletinin eskertkim keledi. TJ kezinde mundaı quqyqbuzýshylyqtar qylmystyq ahýaldy odan ári aýyrlata túsedi, – deıdi qalalyq Polısııa departamentiniń resmı ókili Saltanat Ázirbek.
