Aımaqtar • 08 Sáýir, 2020

Qazaqstan men Reseı mamandary qashyqtan oqytý boıynsha tájirıbe almasty

38 retkórsetildi

Abaı atyndaǵy QazUPÝ-tinde reseılik áriptesterdiń qatysýymen «Qashyqtan oqytýdy uıymdastyrýdyń Qazaqstandyq-reseılik tájirıbesi» onlaın-vebınary ótti.

Vebınarǵa Abaı atyndaǵy QazUPÝ rektory Takır Balyqbaev, Krasnoıar memlekettik pedagogıkalyq ýnıversıtetiniń bilim berýdegi ınformatıka jáne aqparattyq tehnologııalar kafedrasynyń meńgerýshisi Nıkolaı Pak, Máskeý qalalyq pedagogıkalyq ýnıversıtetiniń Sıfrlyq bilim berý ınstıtýtynyń bilimdi aqparattandyrý kafedrasynyń dosenti Aleksandr Grıshkýn, sondaı-aq ýnıversıtettiń prorektorlary, qashyqtan oqytýǵa jaýapty qurylymdyq bólimshelerdiń, ınstıtýttar men kafedralarynyń basshylary qatysty.

Vebınardyń moderatory - Abaı atyndaǵy QazUPÝ-dyń oqý isi jónindegi prorektory Asan Sátmyrzaev boldy.

Is-shara barysynda qashyqtan oqytýdy uıymdastyrý jáne damytý, qashyqtyqtan oqytý kýrstarynyń sapasyn qamtamasyz etý máseleleri talqylandy, Zoom, Google Hangouts, BigBlueButton platformalaryn paıdalanýǵa salystyrmaly taldaý júrgizildi. Sonymen qatar mamandar www.bilimland.kz elektrondy oqytý platformasyn jáne STEM bilim berý kýrstaryn qashyqtan oqytý ádisterin qoldaný tájirıbesimen bólisti.

Vebınar jumysynda Abaı atyndaǵy QazUPÝ-dyń Bilim berýdi aqparattandyrý departamentiniń dırektory Bahytjan Ahmetov, KMPÝ bilim berýdegi ınformatıka jáne aqparattyq tehnologııalar kafedrasynyń meńgerýshisi Nıkolaı Pak, MQPÝ-dyń bilimdi aqparattandyrý kafedrasynyń dosenti Aleksandr Grıshkýn, QazUPÝ-dyń Matematıka, fızıka jáne ınformatıka ınstıtýtynyń aǵa oqytýshysy Nurjamal Oshanova baıandama jasady.

Qazaqstandyq joǵary oqý oryndarynyń qashyqtan oqytýǵa kóshýine baılanysty Abaı ýnıversıteti oqytýshylary men stýdentterine oqý júktemesine, oqý jumys jospary men baǵdarlamalarǵa, sabaq kestesine sáıkes qashyqtan bilim berý tehnologııalary negizinde elektrondyq platformalarǵa qoljetimdilik berildi. Arnaıy nusqaýlyqtar usynyldy. Qashyqtan bilim berý quraly retinde vıdeo-sabaqtar, derbes onlaın-jumys, onlaın-kýrstar, vebınarlar men semınarlar qoldanylady.

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar