Aımaqtar • 08 Sáýir, 2020

Dezınfeksııany avtomatty túrde jasaıtyn qural

11 retkórsetildi

Keshe keshke Soltústik Qazaqstan oblysynyń ákimi Qumar Aqsaqalov
tikeleı efır arqyly bıfıng berip, halyqqa oblystaǵy búgingi ahýal týraly baıandap berdi. Aldymen ol aty jaman indetke shaldyqqandar sanynyń sońǵy 2-3 kúnde kóbeımegenin, bireýi emdelip shyqqanyn, qalǵany 24 adam ekenin aıta kelip: «Bul bizdiń jiti jumys istep jatqanymyzdyń nátıjesi. Men indetpen kúresip jatqan medısınalyq qyzmetkerlerdiń bárine taǵy da alǵysymdy bildiremin», dedi. Odan ári ákim naýqastardy emdep jatqan dárigerler men medısınalyq qyzmetkerlerdiń aman saqtalýyna qatysty sharalarǵa toqtaldy.

Bular týraly biz «Egemenge» buryn jazyp, indetpen kúreste neshe dáriger, qansha medbıke men tazalyqshylar bar ekenin jáne olardyń aty-jónderin kórsetip, qalaı kútiletinin tolyq aıtqan bolǵandyqtan taǵy qaıtalamadyq.

Ákimniń aıtqan sońǵy jańalyqtarynyń qatarynda kásiporyndar men mekemeler ózderiniń óndiriske asa qajetti mamandaryn avtobýstarmen jetkizedi. Al avtobýsta adamdar bir-birinen alys otyrý úshin jartylaı ǵana tolyqtyrylady. Salonnyń únemi dezınfeksııalanýy talap etiledi. Kásiporyndar men mekemelerdiń kireberisinde mindetti túrde alystan anyqtaıtyn termometrler bolýy kerek. Ystyǵy sál kóterilgen adam bolsa, ol jumysqa jiberilmeıdi. Sonymen qatar osyndaı termometrlermen barlyq sýpermarketter jaraqtandyrylýy kerek. Ystyǵy bar adam dúkenge kirgizilmeıdi, tek tamaqty alyp kelýge tapsyrys bere alady.

Qumar Aqsaqalovtyń aıtqan erekshe jańalyǵynyń biri – jergilikti «Radýga» JShS dezınfeksııany avtomatty túrde júrgizetin qural jasaı bastapty. Mundaı konstrýksııalar úlken gıpermarketter men sýpermarketterdiń kireberisterine ornatylady eken.

Odan ári ákim kúnkóris kózinen aırylǵan barlyq adamdardyń 42500 teńgelik kómek alýǵa ótinish berip jatqanyn aıta kelip, Soltústik Qazaqstanda ondaı adamdar 7 myńnan asqanyn jetkizdi. «Olardyń ishinen ázirge 3 myń adam kómek aldy, al 1052 adam «Biz birgemiz!» respýblıkalyq qory arqyly tamaq jınaǵyn aldy», dedi. Sondaı-aq 50 myń teńgeden materıaldyq kómek berilip jatqanyn da atap ótti.

«Oblys ortalyǵyndaǵy ahýal turaqty bola bastaǵan soń kóshede júretin patrýlder sanyn azaıttyq jáne qosymsha sýpermarketterdiń ashylýyna múmkindik berdik. Alaıda kóshedegi qozǵalys birden kóbeıip ketkeni kózge ura bastady.  Osy tendensııa jalǵasa beretin bolsa biz shekteýlerdi qaıtadan qataıtatyn bolamyz», dedi ákim.  

Sonymen qatar ákim «saıajaıǵa shyǵamyz», «ıtimizdi dalaǵa qydyrtamyz» degen tilekterińizdi ázirge qoıa turýlaryńyzǵa týra keledi dep turǵyndardy qatty eskertti. «Qazir polısııaǵa keńeıtilgen ókilettik berilgen. Sondyqtan olar eshteńege qaramaı, tutqyndaý nemese aıyppul salý sharalaryn jıi qoldanýda. Eskertýdiń ýaqyty ótken», dedi Q.Aqsaqalov.

Osy ýaqytqa deıin oblysta TJ rejiminiń talaptaryn buzýdyń 88 faktisi oryn alypty.  Onyń 42-si qoǵamdyq oryndarda negizsiz qydyryp júrgen. Talapty buzǵandardyń 23 tutqyndalǵan, 32-sine aıyppul salynǵan, taǵy 33 adamnyń isi sottyń qaraýynda jatyr eken. 

Qumar Irgebaıuly oblystaǵy sý tasqyny máselelerine de toqtalyp ótti. Onyń aıtýyna qaraǵanda oblysta áli birde-bir eldimekendi sý basqan joq. Sýdyń aǵynyna múmkindik beretin 100 aryq pen arnalar tazartylǵan. 20 shaqyrymdaı uzyndyqtaǵy qorǵanys dambalary jasalǵan. «Bizdiń basty mindetimiz – birde bir eldimekenniń sý astynda qalýyna jol bermeý», dedi ákim.

 

Soltústik Qazaqstan oblysy

Sońǵy jańalyqtar

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Maıdan dalasynan tabylǵan báki

Aımaqtar • 23 Mamyr, 2020

Jezqazǵanda 13 adam koronavırýs juqtyrdy

Koronavırýs • 23 Mamyr, 2020

Karantınde tıgizgen kómek umytylmaıdy

Aımaqtar • 23 Mamyr, 2020

Uqsas jańalyqtar