Parlament • 08 Sáýir, 2020

Senat jýrnalısterge arnalǵan baıqaý erejesine ózgeris engizdi

28 retkórsetildi

Senat Tóraǵasy Darıǵa Nazarbaevanyń tapsyrmasy boıynsha jýrnalısterge arnalǵan «Amanat» baıqaýynyń erejesine ózgerister engizildi.

Baıqaýdy ótkizý tártibine mańyzyna baılanysty taǵy bir baǵyt qosyldy – buqaralyq aqparat quraldary ókilderi koronavırýs indetimen kúresip jatqan jáne onyń zalaldaryn joıýǵa belsendi qatysatyn mamandardyń qyzmetin jarııa etetin bolady.

Tótenshe jaǵdaı kezindegi elimizdegi aýqymdy sharalarǵa belsene atsalysyp jatqan medısına, ishki ister organdary, arnaýly memlekettik organdar, áskerıler, eriktiler, azamattar men basqa da uıym mamandarynyń biliktiligi, batyldyǵy men batyrlyǵy dáriptelgen materıaldar erekshe baǵalanady.

Qazaqstan Respýblıkasy Senaty buqaralyq aqparat quraldarynyń ókilderi jáne blogerler arasynda Senat materıaldary boıynsha úzdik zertteýge arnalǵan «Amanat» jáne ekologııalyq jýrnalıstıkaǵa arnalǵan «Týǵan el» baıqaýyn jarııalaǵan bolatyn.

«Amanat» baıqaýy Senat qyzmeti týraly Qazaqstan jurtshylyǵynyń habardar bolýyn arttyrýǵa arnalǵan. Baıqaýǵa túsetin jumystarda Senat depýtattarynyń zańdarǵa engizgen túzetýleriniń mańyzy men ereksheligi jáne olardyń problemalyq máselelerdi sheshýge, depýtattardyń aımaqtar máselelerin sheshýge qatysýy men máslıhattardyń zań shyǵarý qyzmetindegi rólin aıqyndaýǵa baǵyttalǵan.

«Týǵan el» baıqaýynyń qatysýshylary óz materıaldarynda qorshaǵan ortany qorǵaý máselelerine qalyń jurtshylyqtyń nazaryn aýdarýy, azamattardyń ekologııalyq qolaıly jáne qaýipsiz ortada turý quqyǵyn qorǵaýǵa, sondaı-aq ekologııalyq problemalardy jarııa etýge, tiri tabıǵattyń bıoalýantúrliligin saqtaýǵa jýrnalısterdi tartýy tıis.

Baıqaýǵa jýrnalıster, respýblıkalyq jáne aımaqtyq telearnalar men gazetterdiń, ınternet basylymdar men radıolardyń qyzmetkerleri, blogerler qatysa alady. Baıqaýǵa 1 qyrkúıek pen 5 mamyr aralyǵynda buqaralyq aqparat quraldarynda jarııalanǵan avtorlyq ujymdardyń, jeke avtorlardyń materıaldary qatysatyn bolady. Baıqaý ótken jyldyń 1 qarashasynda bastalǵan bolatyn. Materıaldar ústimizdegi jyldyń 12 mamyryna deıin qabyldanady, 20 maýsymda qorytyndylaý josparlanyp otyr.

Baıqaý jeńimpazdary baǵaly syılyqtarǵa ıe bolady. Baıqaýǵa qatysty tolyq aqparatty Parlament Senatynyń saıtynan, sonymen qatar áleýmettik jelilerdegi resmı akkaýnttardan bilýge bolady.

 

Materıaldardy Press_Senat@mail.ru elektrondyq poshtasyna jiberý qajet.

Sońǵy jańalyqtar

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Jaýapkershilik júgi aýyr

Koronavırýs • Búgin, 06:50

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar