Qazaqstan • 09 Sáýir, 2020

BJZQ: Salymshylardyń shottaryna túsken ınvestısııalyq kiris 192,45 mlrd teńgeden asty

119 retkórsetildi

COVID-19-dyń taralýy jáne OPEK pen Reseı arasyndaǵy munaı saýdasynyń soǵysy taýarlyq jáne qarjylyq naryqtaryna áserin tıgizip jatyr. Saldarynan álemdik qor bırjalarynyń ındeksteri sońǵy 30 jyldaǵy eń úlken quldyraýdy kórsetti, biraq Qazaqstandaǵy eń iri ınstıtýsıonaldy ınvestorlardyń biri – BJZQ portfolıosynda  sońǵy eki aptada ósim baıqaldy.

Ulttyq banktiń statıstıkasyna sáıkes, BJZQ zeınetaqy aktıvteri jyl basynan beri 4%-ǵa ósip,  naýryz aıynda 11,3 trln teńgeden asty. «Portfolıo valıýtasynyń ártaraptandyrylýyna, ınvestısııalar geografııasy men qarjy quraldarynyń aýqymynyń keńeıýine baılanysty halyqtyń jınaqtalǵan zeınetaqy qarajatyndaǵy taza ınvestısııalyq kiristiń úlesi turaqty ósýde»  deıdi  Ulttyq banktiń ókilderi.

«Shetel valıýtasynda kórsetilgen qarjy quraldarynyń úlesi 32,5% quraıdy, olar negizinen AQSh dollarymen kórsetilgen (29,5%). Taza ınvestısııalyq kiris 2020 jyldyń basynan bastap 332,34 mlrd teńgeden asty (2019 jyldyń dál osyndaı kezeńine 66,8 mlrd teńge)» dedi Ulttyq bank  ókilderi keshe jýrnalıstermen ótken onlaın jıynda.

Naýryz aıynyń birinshi jartysynda salymshylardyń shottaryna aýdarylǵan ınvestısııalyq kiris 192,45 mıllıard teńgeden asty (2019 jyldyń dál osy kezeńinde bul kórsetkish 54,74 mıllıard teńgeni qurady). Sonymen qatar barlyq aksııalar teris kiristi kórsetti.

«Qarjy quraldarynyń jekelegen synyptary nomınaldy valıýtadaǵy teris kiristi kórsetti. Aktıvterdi basqarýdyń tıimdiligi uzaq ýaqyt aralyǵynda baǵalanatyndyǵyn atap ótken jón. Jekelegen qysqa merzimdi kezeńde nemese aktıvterdiń jekelegen klasy úshin alynǵan kiristilik basqarý tıimdiliginiń kórsetkishi bolyp tabylmaıdy» dep atap ótti Ulttyq banktiń baspasóz qyzmeti.

Uzaq merzimdi perspektıvada (bes jyldan bastap) aksııalar oblıgasııalarǵa qaraǵanda joǵary tabysty kórsetedi. Qazaqstan qarjygerleri qaýymdastyǵynyń jetekshi taldaýshysy Ramazan Dosov BJZQ aktıvterindegi aıtarlyqtaı úles boryshtyq baǵaly qaǵazdarǵa tıesili – 85,9% (negizinen memlekettik baǵaly qaǵazdar) ınvestısııalyq strategııaǵa sáıkes mundaı basqarý ótimdi qarjylyq quraldardyń joǵary deńgeıin qoldaýǵa baǵyttalǵanyn aıtty.

Qazirgi ýaqytta Ulttyq bank úsh álemdik kompanııamen jumys júrgizýde. Jalpy alǵanda, olar 1,6 trln dollardan astam qarjyny basqarady. Damyǵan elderdiń aksııalaryn ınvestısııalaýǵa HSBC Global Asset Management (UK) Limited syrtqy menedjeri tartyldy. Qurylym zeınetaqy aktıvterin MSCI World Index álemdik ındeksiniń baǵaly qaǵazdaryna ınvestısııalaıdy, olardyń negizgi bóligi (63%) AQSh kompanııalarynyń aksııalaryna tıesili.
«Investısııalyq deńgeıdegi korporatıvti oblıgasııalarǵa ınvestısııalar úshin retteýshi eki syrtqy menedjerlerdi – negizgi Global Investors (Europe) Limited jáne PGIM tirkelgen kiristerdi tartady, olar 2019 jyldyń qarasha aıynan bastap kezeń-kezeńimen jalpy somasy 400 mıllıon AQSh dollaryn (ár kompanııa 200 mıllıon dollar) qurady. Munda qarjy  Bank of America Corporation, Goldman Sachs Group Inc., Apple Inc., FedEx Corporation, Caterpillar Inc, The Walt Disney Company sııaqty kompanııalardyń 5 myńnan astam baǵaly qaǵazynyń shyǵarylymyn qamtıtyn korporatıvtik oblıgasııalar ındeksine ınvestısııalanady.

«2019 jyldyń qarasha aıynan bastap 200 mıllıon dollar kólemindegi qarajat kezeń-kezeńimen aýdaryldy. Indekste Apple Inc, Microsoft Corp, Facebook Inc, Nestle SA, Visa Inc, Amazon.com Inc jáne basqalary sııaqty tanymal kompanııalar bar» dedi Ulttyq banktiń baspasóz qyzmeti.

«Ulttyq bank ınvestısııalyq kelisimderdi úılestirý jáne qol qoıý boıynsha jumys júrgizip jatqan taǵy alty sheteldik basqarýshy kompanııany (bes aksııa ǵalamdyq aksııalardyń mandaty boıynsha jáne bir kompanııa korporatıvtik oblıgasııalar mandaty boıynsha) tańdap aldy. Barlyq tańdalǵan kompanııalardyń aıtarlyqtaı ınvestısııalyq tájirıbesi, qajetti ınfraqurylymy men tájirıbesi bar» dep sendiredi Qazaqstan Ulttyq bankiniń ókilderi.

Halyqaralyq qurylymdar kelisimsharttarǵa qol qoıylǵannan jáne aktıvterdi basqarýǵa bergennen keıin habarlanady.

 «Aktıvterdi berý degenimiz aqshany naqty aýdarý degendi bildirmeıdi, biraq bul kompanııalarǵa aktıvterdi basqarý ókilettikterin berý. Osylaısha, BJZQ-nyń syrtqy senimgerlik basqarýǵa berilgen zeınetaqy aktıvteri Ulttyq banktiń kastodıan-banktegi shottarynda qalady» dep atap ótti retteýshiniń ókilderi.

«Zeınetkerlikke ınvestısııalaý strategııasy ózgere me?» degen másele jyl basynan beri sarapshylar arasynda jıi talqylana bastady. Sebebi pandemııa jaǵdaıynda zeınet jasyna jaqyndap qalǵan azamattar ózin jumyssyzdyqtan saqtandyrý máselesin jıi qoıa bastady. Sarapshylar aldaǵy ýaqytta saqtandyrý segmenti osy baǵytta damıtynyn, jumyssyz qalǵan azamattardyń aı saıynǵy jarnasyn saqtandyrý kompanııalary     BJZQ jarnalaryn saqtandyrý tóleıtinin aıta bastady. Árıne, bul osy baǵytta kompanııalar jumys istep, klıentterdi tartsa ǵana oryndalady.  

Ulttyq bank bıyl zeınetaqy aktıvteri portfelin ártaraptandyrý boıynsha jumystardy jalǵastyrady dep sendiredi. Al sarapshylar bolsa, jaqyn arada túbegeıli ózgeristerdiń bola qoımaıtynyn aıtyp otyr. Ol úshin zańǵa ózgerister kerek.

«Ortalyq bankter konservatıvti ınvestısııalyq strategııalardy paıdalanady, bul óz kezeginde tómen kiristerge ákeledi. Mysaly, 2019 jyly BJZQ zeınetaqy aktıvteriniń naqty kiristiligi 1,17% qurady. Salymshylardyń shottaryna taratylǵan zeınetaqy aktıvteriniń kiristiligi 5,4% ınflıasııamen 6,57% kóterildi» deıdi Qarjygerler qaýymdastyǵynyń jetekshi taldaýshysy Ramazan Dosov.

Demek, qansha synasaq ta, BJZQ pandemııa jaǵdaıynda da kirispen jumys isteıtinin dáleldedi.

«Endi Ulttyq bank osy kúnge deıingi konservatıvti kózqarastan arylyp, qarjy naryǵynyń qazirgi jaǵdaıyna beıimdelse boldy» deıdi sarapshylar.

 

ALMATY

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Uqsas jańalyqtar