Aımaqtar • 09 Sáýir, 2020

«Aıala» qory aıalaıtyn ardagerler azaıyp keledi

20 retkórsetildi

«AIаLA» qaıyrymdylyq qory almatylyq 40 ardagerge aı saıyn azyq-túlik pen dári-dármek tasyp, karantın kúnderin jeńildetýge umtylyp otyr. Atalmysh qor qart adamdarǵa arnalǵan osynaý kómekti Samsung kompanııasynyń demeýshiligimen iske asyp jatyr.

Osy aptada ardagerlerge kómek dári-dármek túrinde berildi. О́tken aptada qor eń qajetti degen 20 azyq-túlik ataýy men tazalyq quraldarynan turatyn qorjyndardy jetkizip berýdi uıymdastyrdy. Kýrerler ardager turatyn úı men páterdiń bosaǵasyna deıin qarym-qatynassyz jetkizýdi júzege asyrdy.

«Samsung Qazaqstanda qoǵamnyń áleýmettik jaýapkershiligi mol, belsendi múshesi bolyp tabylady. Uly Otan soǵysynyń ardagerlerine degen úlken yqylasymyz ben qurmetimiz  mol, olarǵa tıimdi kómek kórsetýge tyrysamyz. Biz ardagerlermen belsendi jumys istegen sońǵy 5 jylda olardyń qatarynyń kúrt azaıyp bara jatqanyn baıqadyq. Bıyl Uly Jeńistiń 75 jyldyǵy, sondyqtan bizdiń de kómegimiz tıip, ár ardager ómirin jaqsartqymyz keledi», – Samsung Electronics Central Eurasia kompanııasynyń jurtshylyqpen baılanys jáne korporatıvtik-áleýmettik jaýapkershilik jónindegi menedjeri dedi Berik Omarov.  

«AIаLA» qory ardagerlerge 2010 jyldan beri kómektesip keledi. Sol kezde tehnıka, múgedekter arbasy jáne qarjylaı qoldaý túrindegi kómekti 20 adam alǵan edi. 2015 jyly oǵan qordyń bastamasymen Samsung kompanııasy da qosyldy. Sonyń nátıjesinde jobamyz taǵy da 67 ardagerdi qamtydy. Samsung qyzmetkerlerimen birge qor satyp alǵan azyq-túlik jıyntyqtaryn qoraptarǵa salyp, ony júk tıeýshileri bar gazelderde bárimiz birge júrip taratatyn edik. Ardagerlerge ár jyl saıyn Uly Jeńistiń qarsańynda osyndaı kómek kórsetildi. 

Osy dástúr 2019 jylǵa deıin jalǵasty. Sol jyly jobanyń nátıjeleri týraly esepti tyńdaǵan soń, Samsung prezıdenti ardagerlerge kómekti jıirek kórsetý kerek degen sheshimge keldi.

«2019 jyldyń kúzinde biz osy jyl saıynǵy jobany aı saıynǵyǵa ózgerttik. Endi biz Almatydaǵy ardagerlermen burynǵydan da belsendirek aralasyp, olarǵa qajetti kómekti kóbirek kórsetemiz», – dedi Berik Omarov.

Bul sheshim 40 ardegerdiń árqaısysyn aı saıyn 30 myń teńge mólsherinde kómekpen qamtamasyz etýge múmkindik berdi. Osy oraıda olar ne satyp alý kerektigin ózderi anyqtaıdy jáne muny joba úılestirýshilerine habarlaıdy. Bireýge tek azyq-túlik qajet, basqasyna – turmystyq tehnıka: shańsorǵysh, qysqa tolqyndy pesh, útik jáne t.b. kerek. Klınnıng qyzmetine de suranys bolyp turady. Tek dári-dármekti kerek etetin ardagerler bar, al keıbir ardagerlerge azyq-túlik te, dári-dármek te qajet. Barlyq suranystar arnaıy bazaǵa engiziledi jáne osy jalpy aqparattyń negizinde búkil qajettiler satyp alynady jáne mekenjaılaryna jetkizip beriledi. Úılestirýshiler kómektiń ýaqtyly jetetinine kóz jetkizý úshin aıyna bir ret ardagerlerge baryp turady. Barǵan soń, álbette, áńgime-dúken qurady.

Bul joba qamqorlyq jasaıtyn jasy eń úlken ardager 9 mamyrda 102 jasqa keledi. Bul Ádish Ábdiraıymov. Ol 1918 jyly ómirge kelgen. 1938 jyly Harkov farmasevtıkalyq ınstıtýtyna oqýǵa túsip, 1941 jyly Ońtústik-Shyǵys maıdandaǵy 173-shi atqyshtar dıvızııasyna jiberildi. Bergedorfta tuqynda jáne Noıengammdegi konslagerde bolyp, Ádish Ábdiraıymov úıine 1947 jyly oraldy. 1952 jyly ol Tashkenttegi Orta Azııalyq  memlekettik ýnıversıtetti «bıolog» mamandyǵy boıynsha bitirdi. Synaq stansııasynda zerthana meńgerýshisi bolyp eńbek etti jáne qazirgi Ońtústik Qazaqstan oblysy Maqtaaral aýdanynda maqtanyń jańa sortyn shyǵardy.

О́kinishke qaraı, jobany iske asyrýdyń sońǵy jylynyń ishinde ǵana bes adragerimiz ómirden ozdy. Qor muqtaj adamdardy únemi izdeıdi, sondyqtan benefısıarlardyń jalpy sany jyl saıyn 40 adamnan kemigen emes.

Sonymen qatar «AIаLA» qory Samsung kompanııasynan kómek alatyn ardagerlerdiń 60%-ǵa jýyǵynyń turmysy tómen ekenin atap ótedi. Olardyń úıleri eski jáne jóndelmegen, al úılerine tazalyq pen kútim qajettigi sezilip turady. Azamattardyń bul sanaty óz zeınetaqysyna jáne zeınet jasyna jetip qalǵan balalarynyń tabysyna ómir súredi.

«Uly Jeńistiń 75 jyldyq mereıtoıy qarsańynda beıbit ómirimiz úshin shaıqasqan azamattarymyzǵa laıyqty kútimdi qamtamasyz etý úshin almatylyq 30 ardagerdiń úıine jóndeý júrgizýge kómek jáne qoldaý kórsete alatyn qaıyrymdy qazaqstandyqtar tabylady dep úmittenemiz. Biz barlyq ardagerlerge ózin-ózi oqshaýlaý kezeńinen aman-esen ótýin, zor densaýlyq jáne uzaq ǵumyr tileımiz», – dedi «AIаLA» qaıyrymdylyq qorynyń prezıdenti Aıdan Súleımenova

 

 

ALMATY

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Uqsas jańalyqtar