Aımaqtar • 09 Sáýir, 2020

Qashyqtan oqytý júıeli sıpatqa ıe - Janbota Kábdikárimova

271 retkórsetildi

«Nazarbaev Zııatkerlik mektepteri» DBBU Pedagogıkalyq sheberlik ortalyǵy qazaqstandyq pedagogtardyń biliktiligin arttyrýmen kóp jyldan beri aınalysyp keledi. Osy oraıda, ortalyq dırektory Janbota Kábdikárimova mekeme qyzmeti týraly qysqasha baıandap bergen-di.

Ǵalamtor qoljetimdiligi arta túsken ýaqytta bilim berý men oqytýdy aqparattyq-kommýnıkasııalyq tehnologııalarsyz elestetý múmkin emes. Biz 2012 jyly ótkizgen kýrstarymyzda pedagogtar arasynda sıfrlyq saýattylyqty damytýdy alǵa maqsat etip qoıdyq: derbes kompıýterdi senimdi paıdalanýdy jáne elektrondy baǵalaý portalymen jumys isteýdi úırenýge, sıfrlyq resýrstardy qoldana otyryp ártúrli sabaq materıaldaryn jasaýǵa, forýmdarda, chattarda jáne blogtarda tájirıbe almasý arqyly onlaın-kommýnıkasııalardy damytýǵa basty nazar aýdardyq. Qyzmet aıasynda júıeli túrde muǵalimderge arnalǵan qyzyqty onlaın kýrstar ázirlep engizemiz, kásibı sheberlik baıqaýlaryn, apta saıyn mektep muǵalimderin dáris berýshi retinde tarta otyryp, oqytý vebınarlaryn uıymdastyramyz. Búgingi tańda muǵalimder jumys barysyna aqparattyq-kommýnıkasııalyq tehnologııalardy óziniń bilimi men biliktiligin arttyrýǵa senimdi ári belsendi túrde kiriktire bastady. Pedagogtar bul sıfrlyq tehnologııalar pedagogıkalyq is-árekettiń sıpatyn birtindep ózgertetinin túsinedi.

Qazirgi tańda ortalyq pedagogtardyń biliktiligin arttyrýdyń barlyq baǵdarlamasyn qaıta qarastyryp otyr. Olardyń bir bóligi tolyǵymen onlaın formatqa kóshiriledi. Zaman suranysyna qaraı tanymaldylyǵy artyp kele jatqan qashyqtan oqytý pedagog pen bilim alýshy arasyndaǵy ózara aýdıtorııalyq árekettesýdi qajet etpeıtindigimen erekshelenedi, bul epızodtyq emes, júıeli sıpatqa ıe. Al jumystyń ónimdi bolý jaýapkershiligi bilim alýshylarǵa júkteledi.

Qashyqtan oqytý formatynda tıimdi oqytý úshin mindetti 3 komponent qarastyrylýy tıis: beınesabaqtar (teledıdar, ǵalamtor jáne túrli platformalar), oqýshynyń óz betinshe jumys jasaýy, oryndalǵan tapsyrma boıynsha muǵalimmen keri baılanys jasaýy. Sondaı-aq, qashyqtan oqytýdyń mańyzdy bóligi, oqýshylar men ata-analarǵa keńes berý múmkindigi bolyp tabylady. Árıne, úıden oqytý belgili bir ózindik tártip pen ózin-ózi retteýdi talap etedi.

Qashyqtan oqytýdy engizý – barlyq orta bilim berý júıesi úshin úlken jańalyq. Qazirgi tańda 7 myńnan astam mektep jańa formatqa aýysýǵa tıis bolyp otyrǵan jaǵdaıda pedagogtar men ata-analardyń tarapynan týyndaǵan alańdaýshylyqty túsinýge bolady. Ata-analar úıde oqytýdy uıymdastyrý men barlyq pán boıynsha baǵdarlamany tolyq meńgerýdi baqylaý quzyrettilikterin jetkiliksiz dep sanaıdy. Muǵalimder jaýapkershilik júgin: onlaın sabaq josparyn ázirleý, al ol ádettegi jospardan erekshelenedi, balanyń óz betinshe jumys isteýine túsinikti resýrstardy tańdaý, ol jumysty baǵalaýdy, jeke nemese toptyq onlaın keńes ótkizýdi ıgere almaı qalýdy ýaıymdaıdy. Árıne, jańa dúnıeniń kıyndyǵy men qyzyǵy qatar júretini belgili, biraq bul bizdiń eldiń ǵana aldynda turǵan másele emes.

Pedagogıkalyq sheberlik ortalyǵy ata-analarǵa, oqýshylar men muǵalimderge túsindirme beınerolıkterin daıyndady, tipti eki apta buryn «Qashyqtan oqytýdy uıymdastyrýdyń erekshelikteri» atty eki tilde vebınar ótkizdi. Mundaǵy jaǵdaıdyń basty artyqshylyǵy – olar az ýaqyt ishinde ıgerip, barlyq qashyqtan oqytý tehnologııalaryn engizýdi ınnovasııany qoldaý dep qabyldaıdy.

Bir synypta bilim alatyn balalardyń oqý qarqyny men qajettilikteri ártúrli bolýy múmkin. Muǵalimge 40 mınýttyq sabaq ishinde ár balaǵa baǵyttalǵan tásildi qoldaný qıynǵa soǵady, degenmen ony sabaqtan tys onlaın oqytý arqyly jasaýǵa ábden bolady. Bul qabileti joǵary oqýshyǵa da, oqý materıalyn ıgerýde qıyndyqtary bar oqýshylarǵa da,sondaı-aq, «damymaı qalýyna» jol bermeý úshin deqajet.

2020-2021 oqý jylynda qazaqstandyq mektepterdiń barlyǵy aralas oqytý formatyn belsendi engizetin bolady jáne geografııalyq shekaralar joıylyp, árbir oqýshy, onyń ishinde aýyl mektebiniń oqýshysy, eń úzdik pedagogtar men úzdik mektepterdi onlaın formatta tańdaýyna jáne bilim alýǵa múmkindigi bolady dep oılaımyn.

Ortalyq biliktilikti arttyrý baǵdarlamalaryn ázirleýmen, olardy júzege asyrý úshin trener quramyn daıyndaýmen, mektepke deıingi jáne mekteptegi bilim berý júıesiniń basshylary men pedagogtaryn, JOO jáne kolledjderdiń oqytýshylaryn, bilim berý mekemeleri men bólimderiniń basshylary men qyzmetkerlerin oqytýmen jáne ádistemelik qoldaýmen aınalysady. Sonymen qatar, pedagogtarǵa arnalǵan ádistemelik quraldar men halyqaralyq mártebesi bar jýrnal daıyndap basady, úlken zertteý jumystaryn júrgizedi. Aıta keterligi, sońǵy eki jylda bizdiń Ortalyqtyń 8 baǵdarlamasy ACQUIN akkredıtteý, sertıfıkattaý jáne sapany qamtamasyz etý Instıtýtynda (Germanııa) sapanyń halyqaralyq standarttaryna sáıkes sertıfıkattaýdan ótti. Biz bilim berý ónimderimizdi elimizden tys jerlerde de iske asyrýdy qolǵa aldyq. Atap aıtsaq, biz eki jyl qatarynan Reseı jáne Túrkimenstan mektepteri men kolledjderiniń muǵalimderin oqytyp kelemiz.

 

Jazyp alǵan Aınash ESALY,

«Egemen Qazaqstan»

ALMATY

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Shámshi ǵumyrynyń beımálim betteri

Rýhanııat • Búgin, 08:09

Jekpe-jekte jeńilmegen jigitter

Boks • Búgin, 08:06

Pandemııa: Stıven stıhııasy

Álem • Búgin, 07:51

Lý Shún. Marjan súzgen jazýshy

Ádebıet • Búgin, 07:50

Onlaın-ekskýrsııa uıymdastyrdy

О́ner • Búgin, 07:40

Tutqyn taǵdyry

Rýhanııat • Búgin, 07:34

Jaz shyqpaı-aq qýraı bastady

Ekologııa • Búgin, 07:30

Ekologııa bárimizge ortaq

Ekologııa • Búgin, 07:27

Ýaqyt talaby týyndatqan oń úderis

Saıasat • Búgin, 07:16

Astyq pen etten tarshylyq kórmeımiz

Úkimet • Búgin, 07:10

Myńnan astam jumys orny ashylady

Ekonomıka • Búgin, 06:45

Umtylǵandar utady

Bıznes • Búgin, 06:41

Uqsas jańalyqtar