Prezıdent • 09 Sáýir, 2020

Ámirhan Rahymjanov: El-jurttyń amandyǵy men keleshegimizdiń kemeldigi – nazarda

72 retkórsetildi

Elbasynyń «Birlese bilgen el bárin jeńedi» atty maqalasy jóninde «Qazaqstan Respýblıkasy Tuńǵysh Prezıdenti – Elbasy kitaphanasy» MM dırektory, saıasat ǵylymdarynyń doktory, professor Ámirhan Muratbekuly Rahymjanov pikir bildirdi.

Bar adamzat qazir álemde qysyltaıań kezeńdi bastan ótkerýde. COVID-19 vırýsynyń aıaq astynan taralyp, bar álemdi sharpyp ketýi qaı turǵydan da ońaı tıip jatqan joq. Osyndaı qıyn sátte  Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev «Birlese bilgen el bárin jeńedi» atty maqala jarııalap, Qazaqstan halqyn demep, ony bereke-birlik pen sabyrǵa shaqyrdy. Kóńilge medeý bolatyny Elbasy elimizdegi ekonomıkalyq jaǵdaıdyń turaqty ekenin, azamattarymyzdyń alańdaýyna negiz joq ekenin, ótken jyldardaǵy oń saıası sheshimderdiń arqasynda, qazirgi synaqqa toly kezeńdi basqa eldermen salystyrǵanda ońaı eńserip jatqanymyzdy da eske saldy.

Elbasy qazirgi jaǵdaıdy ótken 1990 jyldardaǵy aýyr daǵdarys kezeńderimen salystyrýǵa kelmeıtinin alǵa tartady. Rasymen solaı, 90 jyldary aqsha túgili dúken sórelerinde azyq-túlik tappaıtyn, úı jylytýǵa qajetti otyn joq bolyp, kóp adam jumystan qysqaryp, aldaǵy kúnge degen senimniń mort synǵan kezderi bolǵany jasyryn emes. Barlyq aǵa býyn ókili ony jaqsy biledi. Qazir memlekettik baǵdarlamalar men tikeleı Elbasynyń jáne memleket basshymyz Qasym-Jomart Kemeluly Toqaevtyń sheshimderiniń nátıjesinde taryqqan azamattarymyzǵa áleýmettik kómek taǵaıyndaldy, dári-dármekter bar, dúken sóreleri bosap qalǵan joq, kerek azyq-túlikti satyp ala alady. Sondaı-aq «El ishi – altyn besik» demekshi halqymyzdyń boıyna bitken izgi qasıetteri qıyn sátte de tárk etken emes. Elimizdegi mesenattar, kásipkerler jáne jaǵdaıy jetken azamattarymyzdyń basym kóbi qınalǵan otbasylarǵa as-aýqatpen bolsyn, qarjylaı bolsyn kómek berýde. Ony bárimiz BAQ pen áleýmettik jeliler arqyly kórip júrmiz. Elbasymyz osy oraıda bul indetti «hal­qymyzdyń tózimdiligi, erik-jigeri jáne ózine degen zor senimi arqa­synda mindetti túrde jeńip shy­­ǵamyz. Ol úshin bizge qajetti nár­­se – qarjy-qarajat, mate­rıaldyq resýrs, tehnıka, azyq-túlik – bári bar. Alańdaıtyn, abyr­jıtyn esh negiz joq», - dep maqalasynda atap ótti. Nursultan Ábishuly kórshiles Qytaı eli temirdeı tártip pen bereke-birliktiń arqasynda indetti aýyzdyqtaı alǵanyn alǵa tartyp, buqarany birlikke, sabyrǵa jáne el arasyna iritki salatyndardyń sózine ermeı, eń bastysy memleketimizdiń muratyn kózdeýdi, bir-birimizge demeý bolýǵa úndeıdi. Ár qıyn kezeńde halyqtyń bereke-birligi synalady, biraq «tórteýi túgel» bolǵan ulttyń nesibesi artpasa, kemimeıdi ǵoı.

Qazaqstan táýelsizdik alǵan jyldan bastap Elbasynyń tikeleı basshylyǵy jáne bastamasymen shekarany shegendep, alys-jaqyn memlekettermen mámilege qurylǵan áriptestik pen dostyq ornatty. Qazaqstan osy ýaqytqa deıin eshqandaı memleketpen teketiresken emes. Tuńǵysh Prezıdent syrtqy saıasattaǵy ımıdj ben dostas qatynastyń qashan da mańyzdy ekenin alǵa tartyp otyrdy. Elordasy Nur-Sultanda jahandyq aýqymdaǵy talaı is-sharalar ótip, Qazaqstannyń mámilege beıildi ekenin kórsetti. Elbasy bul týraly óz sózinde «О́mirdiń ózi, dál búgingi qa­lyptasqan jaǵdaı biz ustanǵan birigý men birlesýge negizdelgen saıa­sattyń birden-bir durys jol eke­nine kózimizdi jetkizip otyr», - deıdi. Shynymen bul indettiń taralýy álem halyqtaryn odan saıyn jaqyndastyryp, bir-birine qolǵabys etýge tıisti ekenderin kórsetti.

Nursultan Ábishuly maqalasynda QR Ata Zańyna sáıkes memlekettiń eń basty qundylyǵy Adam ekenin aıta otyryp, «árbir adam óziniń, otbasynyń, ata-anasy men bala-shaǵasynyń ómirine, densaýlyǵyna zor jana­shyrlyqpen, erekshe jaýapker­shilikpen qaraýy kerek. О́ıtkeni ult densaýlyǵy – memleket qaýip­sizdiginiń quramdas bóligi», - deıdi. Osy oraıda elimizdegi aǵa býyn ókiline «Yrys aldy - yntymaq» ekenin eske salyp, halyqty izgi amaldar jasaýǵa, salaýatty ómir saltyn ustanýǵa úndeý qajettikterin aıtty. Al qazirgi jas býyn men óskeleń urpaqqa «Úlkengi – izetti, kishige - qamqor» bolý arqyly elimizdiń egemendiginiń irgesi odan saıyn bekip, yntymaǵy artýy úshin jas urpaqtyń da bilek sybana kirisip, el erteńi úshin qyzmet eter sátteri týǵanyna alǵa tartady.

Aqıqatynda, qazaq eli budan da aýyr synaqtardan ótip, shyńdaldy. Onyń bári ótken tarıhtyń enshisinde qalsa da, halqymyzdyń boıyndaǵy eń izgi, asyl qasıetteri men batyldyǵy onymen birge jasasyp keledi. Elbasy Nursultan Nazarbaev «Biz táýelsizdik jyldary san alýan qıyndyq pen daǵdarysty bastan ótkerdik. Sonyń bárinde men anyq jaǵdaıdy, túıtkildi problemalardy ashyq túrde alda­ryńyzǵa jaıyp salyp otyrdym. Sizder maǵan únemi senim art­tyńyzdar, men týǵan halqymnyń sol seniminen udaıy kúsh-qýat aldym. Sol úshin Sizderge taǵy myń da bir alǵysymdy bildiremin. Ult densaýlyǵy men memleket qaýipsizdigi – bir-birimen etene, egiz uǵymdar. Memleket bul qıyn­dyqtan shyǵý úshin qoldan kelgenniń bárin jasaıdy jáne tıisti sha­ranyń barlyǵyn at­qarady. Birde-bir adam, elimizdiń eshbir azamaty qamqorlyqsyz qalmaıdy», - dep nyǵarlady.

Osy maqalany negizge ala otyryp aıtpaǵym jumyla kótergen júk jeńil – degendeı, - biz qashanda birgemiz, ár synaqtyń sońy bolady. El-jurttyń amandyǵy men memleketimizdiń kelesheginiń kemeldigi qashan da nazarda!

Sońǵy jańalyqtar

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Shámshi ǵumyrynyń beımálim betteri

Rýhanııat • Búgin, 08:09

Jekpe-jekte jeńilmegen jigitter

Boks • Búgin, 08:06

Pandemııa: Stıven stıhııasy

Álem • Búgin, 07:51

Lý Shún. Marjan súzgen jazýshy

Ádebıet • Búgin, 07:50

Onlaın-ekskýrsııa uıymdastyrdy

О́ner • Búgin, 07:40

Tutqyn taǵdyry

Rýhanııat • Búgin, 07:34

Jaz shyqpaı-aq qýraı bastady

Ekologııa • Búgin, 07:30

Ekologııa bárimizge ortaq

Ekologııa • Búgin, 07:27

Ýaqyt talaby týyndatqan oń úderis

Saıasat • Búgin, 07:16

Astyq pen etten tarshylyq kórmeımiz

Úkimet • Búgin, 07:10

Myńnan astam jumys orny ashylady

Ekonomıka • Búgin, 06:45

Umtylǵandar utady

Bıznes • Búgin, 06:41

Fermerlerdiń kóńili áli de kúpti

Ekonomıka • Búgin, 06:39

Sahara úniniń sańlaǵy

О́ner • Búgin, 06:37

Uqsas jańalyqtar