Álem • 09 Sáýir, 2020

Dımashtyń Brazılııadaǵy fanattary Abaıdyń qara sózderin portýgal tiline aýdardy

38 retkórsetildi

Qazaqtyń uly aqyny Abaı Qunanbaıulynyń «Qara sózderi» portýgal tilinde jaryq kóredi. Bul týraly DimashNews redaksııasyna Dımash Qudaıbergenniń Brazılııadaǵy eń iri «DKFCB» fan-klýbynan habarlady. Aýdarma isine fan–top ákimshileriniń biri atsalysqan dep habarlaıdy dimashnews.com

Dımash Qudaıbergenniń Brzılııadaǵy fan-klýby 2018 jyldyń qarasha aıynda quryldy. Qazirde eldegi eń iri ári belsendisi sanalady. Osy ýaqytqa deıin brazılııalyq dıarstarda fan-klýb ataýly bolmaǵan, olardyń barlyǵy ondaǵan halyqaralyq toptarda múshelik etken eken.

Sátin salǵanda, 2018 jyldyń qarashasynda Tatıana Rıbeıro men Ana Paýla Lımanyń tarıhı kezdesýi Dımashtyń brazılııalyq «DKFCB» fan-klýbynyń qurylýyna ákep soqty. Bul óz kezeginde barlyq dıarstyń birigip, Dımashtyń mýzykasyn elge tanyta túsýine jasalǵan úlken qadam boldy. Búginde fan-klýbtyń tórt ákimshisi bar, olar: Tatıana Rıbeıro, Dıana Cheng, Ana Paýla Nasımento jáne Sabrına Masıel.

Qazirgi tańda «DKFCB» klýbynda 5000-ǵa jýyqbelsendiqatysýshy bar. Fan-klýb Instagram men Twitter sekildi áleýmettik jelilerde akkaýnttar tirkegen. Sonymen birge, YouTube jelisinde brazılııalyq dıarstar portýgal tilinde sýbtıtrmen Dımashtyń vıdeolaryn júktep otyrady, qazaqstandyq ánshi jáne Qazaqstan mýzykasy men mádenıeti týraly blog júrgizip keledi.

Fan-klýb ashylǵaly Brazılııadaǵy fanattar San-Paýlý, Rıo-de-Janeıro jáne Resıfı qalalarynda úsh fan-kezdesý uıymdastyrdy. Ár kezdesý janǵa jaıly otbasylyq otyrystar sekildi ótti. Búginde «DKFCB» klýby fanattardy el astanasy Brazılıa qalasyna Dımashtyń týǵan kúnin atap ótýge shaqyryp jatyr.

Kezdesýden bólek fan-klýb múmkindigi shekteýli balalardy mýzykaǵa oqytatyn mekemeni qoldaý maqsatynda aksııa uıymdastyryp keledi. Alaıda, shara koronavırýs pandemııasyna baılanysty qarasha aıynda shegerildi. Jınalǵan barlyq qarajat karantınge baılanysty muqtaj jandarǵa azyq-túlik alyp berýge jumsalady.

«DKFCB» Brazılııadaǵy Qazaqstannyń elshiligimen de tyǵyz jumys isteıdi. Elshilik óz paraqshasynda dıarstardyń Dımashqa qatysty maqalalary turaqty túrde jarııalanady.

1

Fan-klýb ákimshileriniń biri Sabrına Masıel Abaı Qunanbaıulynyń shyǵarmalaryn portýgal tiline aýdarýǵa zor úles qosyp keledi. Jaqyn ýaqytta uly aqynnyń shyǵarmalary Brazılııada jaryq kóredi. Osyǵan deıin Abaıdyń uly shyǵarmasy tolyq kólemde portýgal tiline eshqashan aýdarylmaǵan eken.

– Búginde brazılııalyqtardyń qazaq mádenıeti men qazaq tiline úlken qyzyǵýshylyq tanytyp jatqanyn baıqap otyrmyz. Dımashtyń óz eliniń saltdástúrimen jaqyn tanystyryp jatqany qýantady. Ánshiniń týǵan eline mahabbaty ár konsertte, ár suhbatynda seziledi, ári bizge beriledi. Qazirgi bizdiń úlken armanymyz – Dımashtyń Brazılııadaǵy konsertine barý, – deıdi fan-klýbtyń negizin qalaýshylardyń biri Tatıana Rıbeıro.

Sońǵy jańalyqtar

Qomaqty qarjy bólinedi

Pikir • Búgin, 07:47

Tapsyrmalar zań normasyna endi

Pikir • Búgin, 07:44

Qoly sheber, isi bekem

Aımaqtar • Búgin, 07:29

Munaı-gaz sektorynyń syn saǵaty

Ekonomıka • Búgin, 07:22

Estir qulaq esti bolsa...

Saıasat • Búgin, 07:19

Mal baqqanǵa bitedi

Aımaqtar • Búgin, 07:10

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Jaýapkershilik júgi aýyr

Koronavırýs • Búgin, 06:50

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Halyq únemdeýge kóshti

Ekonomıka • Búgin, 06:35

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar