Aımaq basshysy aldymen «Jańaaldjan un zaýyty» JShS-niń un jáne makaron ónimderi qoryn tekserdi. Jylyna 110 myń tonna un, 7,2 myń tonna makaron óndiretin kásiporynda jaǵdaı turaqty. Zaýyt basshysy Beknur Beısovtyń aıtýynsha kelesi egistik maýsymyna deıin bıdaı qorlary tolyq jetkilikti, sondyqtan da baǵany kóterýge esh negiz joqtyǵyn aıtady. Qazir munda kúnine 500 tonna azyq shyǵarylýda.
Suıyq maı shyǵarýmen aınalysatyn «Aqtobe Fýds» JShS, «Rokos Group Global» kásiporyndary da 24 saǵat jumys jasaıdy. О́simdik maıynyń 13 túrin óndiretin «Aqtobe Fýds» JShS jylyna 40 000 tonna ónim shyǵarady. Shujyq óńdeýshi «Rokos Group Globaldyń» qory 1300 tonna qus etimen tolyqqan. Aldaǵy eki aı boıy oblys naryǵyn qamtýǵa múmkindigi bar. Atalǵan mekemelerdiń basshylary oblys ákimine ónim baǵalarynyń kóterilmeıtindigine ýáde berdi. Budan soń óńir basshysy «AgroOptServıs» JShS kóterme bazarynda jáne «Aıbek» aýyldyq tutyný kooperatıviniń et konservi sehynda boldy. Bazar basshysy Bekbolat Bıbolatov azyq-túliktiń jetkilikti ekenin aıtty. Saýda ortalyǵynyń qorynda 400 tonna kartop, 130 tonna sábiz, 180 tonna qyryqqabat, 300 tonna jýa bar.
Mundaǵy satýshylar ár taýardyń ústine kóterme baǵadan 5-10 teńge ǵana qoıýda. «Aıbek» ATK sehynda konservilik, shujyq jáne jartylaı fabrıkattar bólimderi bar. Seh qýattylyǵy jylyna 4680 tonna konservi ónimderin, 1500 tonna shujyq ónimderin, 300 tonna jartylaı fabrıkattardy quraıdy. Mal soıý alańyna aýdandardan kúnine 50 bastan joǵary jetkiziletin mal soıylady. О́nimderi oblysty ǵana qamtyp qoımaı RF jetkiziledi. Oblys ákimi Ońdasyn Orazalın sútti qaıta óńdeý zaýyty «Aıs Plıýs» JShS, «Prıgorodnyı» JShS, kókónisterdi óndirý jáne saqtaý qoımasynyń, jáne «Atameken-Nan» JShS jumystarymen tanysty. «Aıs Plıýs» JShS kúnine 35 tonna sút ónimderin úzdiksiz óndirýde. 2015 jyldan beri birqalypty baǵany ustanyp otyrǵandyǵyn jetizgen zaýyt basshysy Qýanysh Esjanov naýryz aıynyń basynda baǵada qubylý bolǵandyǵyn jasyrmady. Oǵan sebep, ónimderdiń qoraby RF keletin bolǵandyqtan, taýar syrtyn kórshi el qymbattatqan. Degenmen, áleýmettik mańyzy bar ónimniń úsh túrinde baǵa ózgermegen. «Prıgorodnyı» JShS-de kókónis qory jetkilikti. Qoıma jylyna 5000 tonna ónim saqtaýǵa qaýqarly, aldaǵy ýaqytta saqtaý oryndarynyń kólemin 2 esege deıin ulǵaıtýdy josparlaıdy.
Al kúnine 11-15 tonna nan ónimderin shyǵarýshy «Atameken-Nan» JShS Aqtóbe qalasy men Qarǵaly, Alǵa, Mártók, Qobda,Muǵaljar aýdandaryn nanmen qamtmasyz etedi. 1-shi suryptaǵy nanǵa degen turǵyndardyń suranysy joǵary, ári dúkenderde 85 teńgeden satylýda.
Atqarýshy organ retinde bizdiń maqsatymyz, jergilikti turǵyndardyń áleýmettik azyq-túlikterden tarshylyq kórmeýin qamtamasyz etý, baǵanyń sharyqtaýyna jol bermeý ekendigin jetkizgen oblys ákimi Ońdasyn Orazalın orynbasary Amanǵalı Berdalınge kúndelikti qajetti ónimderdiń baǵasyn únemi qadaǵalap otyrýdy tapsyrdy.
