Aımaqtar • 09 Sáýir, 2020

Atyraýda eriktiler arnaıy jıyndarǵa qatysýǵa nıet bildirýde

63 retkórsetildi

Úsh júzden astam qordaǵy áskerı qyzmetshiler men eriktiler Atyraý oblysynyń qorǵanys isteri jónindegi vedomstvolaryna arnaıy jıynǵa qatysý úshin ótinimder bildirdi. Bul týraly «Batys» óńirlik qolbasshylyǵy baspasóz qyzmeti habarlady.

Memleket basshysy Qasym-Jomart Toqaev «Áskerı qyzmetshilerdi arnaıy oqý-jattyǵý jıyndaryna shaqyrý týraly» Jarlyqqa qol qoıǵannan keıin, Atyraý oblysynyń qorǵanys isteri jónindegi basqarmalaryna erikti azamattar aǵyla kele bastady.

Tirkelgen áskerı qyzmetshiler blokposttarda qyzmet jasaýǵa, qala obektilerin patrýldeýge nemese mańyzdy nysandardy dezınfeksııalaýǵa daıyn ekendikterin málimdeıdi. Alaıda, qazirgi ýaqytta olardyń barlyǵy tek qana kandıdat esebinde qarastyrylyp jatyr. Sonymen qatar, óńirde elimizdiń jas jáne belsendi azamattary #Eltiregi chellendjine belsendi at salysyp, áleýmettik jelilerdegi beınerolıkterde ózderiniń patrıottyq bastamalaryn is júzinde dáleldeýge ázir ekendikterin aıtýda.

- Meniń oıymsha qazirgi ýaqytta elimizdiń árbir er azamaty Qazaqstannyń bolashaǵy úshin óz septigin tıgizý qajet. Osy oımen men arnaıy jıynǵa qatysýǵa daıyn ekendigimdi bildiremin jáne barlyǵyn is-sharadan tys qalmaýǵa shaqyramyn, deıdi eriktilerdiń biri Áýez Azamat.

Qorǵanys isteri jónindegi Departamentterde olarǵa Elbasynyń Jarlyǵy tolyqtaı túsindirilip, jıynǵa qatysýdyń sharttaryn aıtyp berýde. Osy maqstatta, áskerıler arnaıy Koll-ortalyǵynda ashypty.

- Qazaqstan Respýblıkasynyń qorǵanys jáne Qarýly kúshteri týraly» Zańnyń 1-babynyń 6) tarmaǵyna sáıkes, tótenshe jaǵdaıdy qamtamasyz etý úshin aýmaqtyq kúshterdi shaqyrý Qarýly Kúshterdiń Bas shtabymen kelise otyra, jergilikti ákimdikterdiń qaýlylarymen arnaıy jıyndarǵa shaqyrý arqyly júzege asyrylady. Jergilikti atqarýshy organdar áskerı qyzmetke jaramdy tulǵalardyń sanyn jáne qajettilikke, ár oblystaǵy aǵymdaǵy jáne boljamdy jaǵdaıǵa baılanysty arnaıy jyndardyń merzimi men oǵan qajet adamdar sanyn anyqtaıdy, dedi Atyraý oblysy qorǵanys isteri jónindegi basqarma bastyǵynyń orynbasary kapıtan Jasulan Satbaldıev.

Arnaıy jıyn kezinde shaqyrylǵan azamattar Qazaqstan Respýblıkasy Qarýly Kúshteriniń áskerı qyzmetshisi mártebesin alady jáne «Áskerı qyzmet jáne áskerı qyzmetshilerdiń mártebesi týraly» Zańǵa sáıkes olarǵa barlyq áleýmettik jeńildikter qoldanylady. Atap aıtqanda, medısınalyq kómek, kıimmen jáne tamaqpen qamtamasyz etiledi. Sonymen qatar, áskerı daıyndyq kezeńinde áskerı qyzmetke jaramdy adamdar jumys ornyn jáne laýazymyn saqtaıdy, olarǵa ortasha jalaqy tólenedi, al jumys istemeıtin adamdarǵa memleket esebinen eń tómengi jalaqy mólsheri 42 500 teńge tólenetin bolady.

 

Mańǵystaý oblysy

Sońǵy jańalyqtar

Eldik nyshandar tarıhy

Qazaqstan • Keshe

Uqsas jańalyqtar