О́ńirdiń ózenderinde muzdar jarylyp, seń júre bastady. Jergilikti ákimdik pen tótenshe jaǵdaı salasynyń mamandary tasqynǵa jol bermes úshin qazir jaǵdaıdy baqylap otyr.
«Altaı aýdanynda Buqtyrma ózeninde seń júre bastady. Ázirge qorqatyndaı eshteńe joq. Muz qıyrshyqtary ózen boıymen aǵyp jatyr. Mamandar bárin baqylap otyr.
Muz kesekteri kólemdi bolsa jarý jumystaryn júrgizedi. Katonqaraǵaı aýdany Aqsý aýyly aýmaǵyndaǵy Aqsý ózeninde muz keptelisi boldy, biraq ózdiginen tarap ketti. Qazirgi ýaqytta Buqtyrmanyń Korobıha jáne Sennoe aýyldary mańyndaǵy aǵysynda seń júre bastady. Osy rette О́skemennen qosymsha qutqarýshylar toby jiberildi» delingen oblystyq Tótenshe jaǵdaı departamenti taratqan málimette.
Búgin О́skemen qalalyq Tótenshe jaǵdaılar basqarmasy Úlbi ózeninde sý deńgeıi táýligine 3 santımetrge kóterilip jatqanyn, qazir 562 santımetrge (shekti deńgeıi – 800 santımetr) jetkenin habarlady.
Shyǵys Qazaqstan oblysy
(Sýretter oblystyq Tótenshe jaǵdaı departamentiniń baspasóz qyzmetinen alyndy)
