Aımaqtar • 09 Sáýir, 2020

Jambyl oblysynda ákimniń orynbasary men bas dáriger jazalandy

1344 ret

kórsetildi

1 mın

oqý úshin

Jambyl oblysyndaǵy Merki aýdandyq aýrýhanasynyń ınfeksıonıst dárigeri Tolqynaı Ordabaeva jýyrda Feısbýk áleýmettik jelisine jazba jarııalap, saladaǵy birqatar kemshilikterdi aıtqan bolatyn. Sonymen qatar, ol óziniń jazbasynda koronavırýs indetin juqtyryp, Taraz qalasynda em alyp jatqanyn aıta kele, bul iske oblystyq densaýlyq saqtaý basqarmasynyń basshysy Marat Jumanqulov pen aýdandyq aýrýhana bas dárigeriniń orynbasary Jańyl Shoıbekovany kinálaǵan bolatyn.

Hamıt ESAMAN

Málimetterge sáıkes, Nur Otan partııasynyń komıssııasy koronavırýs ınfeksııasyn juqtyrǵan dáriger Tolqynaı Ordabaeva jumys isteıtin Merki aýdanyndaǵy aýrýhanada zańbuzýshylyq baryn anyqtaǵan. Jazbada kórsetilgendeı, aýdandyq aýrýhana ákimshiligi medısına qyzmetkerlerine medısınalyq maskany ózderi tigýdi talap etken. Sondaı-aq, jumysta olarǵa maskalar men qorǵanys quraldary berilmegen. Osyǵan baılanysty Merki aýdandyq aýrýhanasy bas dárigeriniń mindetin atqarýshy Danııar Núsipbekov pen osy salaǵa jetekshilik etetin Merki aýdany ákiminiń orynbasary Marat Qasym partııalyq jaýapkershilikke tartyldy.

Jambyl oblysy