«Shapaǵat» arnaıy áleýmettik kómek kórsetý ortalyǵy Nur-Sultan qalasynan bes shaqyrym jerde, Selınograd aýdanyna qarasty Aqqaıyń aýylynda ornalasqan. 16 naýryz, karantın jarııalanǵan kúni ortalyqta 147 adam boldy. Olardyń ortasha jas mólsheri 75 jasty quraıdy.
Ortalyqta qarııalarǵa qyzmet kórsetetin qyzmetkerlerdiń 51-i qashyqtyqtan jumys isteýge kóshirilgen. Keıbireýleri kezekti eńbek demalysyna shyqqan. Osy ortalyqta sáýirdiń 2-si kúni 1947 jyly týǵan er adam qaıtys boldy. Arada tórt kún ótken soń, 1929 jyly týǵan áıel adam ómirden ozdy. Ekeýiniń de koronavırýs dertine shaldyqqany ómirden ótken soń ǵana anyqtaldy. Ile dabyl qaǵylyp, qarttar úıin panalaǵan adamdar men ortalyqtyń qyzmetkerleri medısınalyq tekseristen ótkizile bastady.
Búgin, ıaǵnı sáýirdiń 9-y kúni 35 adamnyń vırýs juqtyrǵany belgili bolyp otyr. 34-i qarııalar, 1-eýi ortalyq qyzmetkeri. Dál qazir Aqmola oblysynda 56 naýqas tirkelgen.
