Aımaqtar • 10 Sáýir, 2020

108 myń oqýshy qashyqtan oqıdy

6 retkórsetildi

Batys Qazaqstan oblysy mektepterindegi 14 myńnan astam mu­ǵalim­niń 98,9%-y kompıýterlik qurylǵy, smartfonmen qamtyl­ǵan. Qashyqtan oqytý josparlanyp otyrǵan IV toqsan qarsa­ńynda 601 muǵalimge ýaqytsha paıdalanýǵa kompıýter berildi.

Oblystyq bilim basqarma­synyń 4 basshysy Aıymgúl Tirjanova óńirdegi 390 mektepte 108 myńnan astam oqýshy bar ekenin, oqý jylynyń qory­tyn­dy, tórtinshi toqsanyn qashyq­tan oqytýǵa daıyndyq pysyq­talǵanyn habarlady.

– Oqýshylar úshin qashyq­tan oqytý túrli formatta júrgiziledi. Birin­shi «El arna», «Balapan» te­lear­nalarynda jáne «Qazaq ra­dıosy» tolqynynda sabaqtar beri­ledi. Osy sabaqtardy kórip, tyń­dap bolǵan soń muǵalim túsin­diril­gen jańa taqyryptar boıynsha oqý­shylarmen keri baılanys or­na­tady. Keri baılanys elektron­dy jýr­nal bolǵan jaǵdaıda ǵana orna­ty­lady. Elektrondy jýrnal bol­maǵan jaǵdaıda muǵalimder óz­deri­niń ýaqytsha jýrnalynda oqý­shy­lardyń oqý úlgerimin belgi­lep otyrady, – deıdi A.Tirjanova.

Elimizde «Bilim Media Group», «Kúndelik», «Mektep onlaın», «Daryn onlaın» ınternet plat­formalary muǵalimder men oqý­shylarǵa tegin qyzmet usy­nyp otyr. Munda ár pán boıyn­sha bir­neshe myńnan astam beıne­sabaq ornalastyrylǵan. Osy resýrstardy paıdalanyp, muǵalim oqýshylarǵa tıisti tapsyrma berip, oqýshymen keri baılanys jasaıdy jáne sabaqtyń qalaı ótkenin qorytyndylap otyrady.

«Sonymen qatar uıaly baılanys múmkindigin paıdalanyp, ýatsap, telegramm basqa da chattar, elektrondy poshtalar arqyly oqytý uıymdastyrylady» deıdi basqarma basshysy.

Qashyqtan oqytýǵa kóshýge baılanysty bilim uıymdarynyń balansynda turǵan kompıýterler pedagogtar men muqtaj ata-analarǵa ýaqytsha paıdalaný úshin berilse, únemdelgen qarjydan kompıýter, noýtbýk, planshet satyp alý da kózdelgen.

– Barlyq aýdandyq jáne qalalyq bilim bólimderiniń máli­meti boıynsha, oblystaǵy oqýshy­lardyń 91,5%-ynda kompıý­terlik qurylǵy, smartfon bar. Olardyń 86,9%-y ınternetke shyǵa alady. Al 9288 oqýshynyń kompıýteri joq edi, qazirgi tańda olardyń 2554-ine mektepterdegi kompıýter ýaqytsha paıdalanýǵa berildi, – deıdi A.Tirjanova.

О́ńir halqynyń teń jarymy turatyn Oral qalasynda 50342 oqýshy bar. Olardyń ishinde az qamtylǵan jáne kóp balaly otbasynyń balalaryna mektep tarapynan 779 kompıýter, 116 noýtbýk berilgen. Sonymen qatar demeýshiler arqyly keıbir otbasylarǵa ınternet ótkizilip, 7 smartfon, 9 kompıýter, 7 teledıdar, 21 planshet, 34 modem, 4 fleshka, 2 roýter alyndy. Oral qalasynda 244 oqýshynyń ınternet jelisine qosylýy úshin qarjylaı qoldaý kórsetilgen.

– Elimizde tótenshe jaǵdaıǵa baılanysty oqytýdyń jańa túri engizilip otyr. Sondyqtan muǵalimniń jumysy kóbeıdi. Bul kezeńde oqýshylar men ata-analar da óz úlesin qosýy qajet. Osy úshtik birlese jumys istese ǵana qashyqtan oqytý nátıjeli bolady, – deıdi oblystyq bilim basqarmasynyń basshysy.

 

Batys Qazaqstan oblysy

 

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar