ENRC-de (Eýrazııa tabıǵı resýrstar korporasııasynda) «Mektepke jol» aksııasy jaqsy dástúrge aınalǵan. Aǵymdaǵy jyly korporasııa kásiporyndaryndaǵy qyzmetkerlerdiń balalary men turmystyq jaǵdaıy tómen jáne kóp balaly otbasylardyń birneshe myńdaǵan balalary materıaldyq kómek aldy. Jalpy, osy maqsatqa 32,5 mln. teńgeden astam qarajat baǵyttalǵan.
ENRC-de (Eýrazııa tabıǵı resýrstar korporasııasynda) «Mektepke jol» aksııasy jaqsy dástúrge aınalǵan. Aǵymdaǵy jyly korporasııa kásiporyndaryndaǵy qyzmetkerlerdiń balalary men turmystyq jaǵdaıy tómen jáne kóp balaly otbasylardyń birneshe myńdaǵan balalary materıaldyq kómek aldy. Jalpy, osy maqsatqa 32,5 mln. teńgeden astam qarajat baǵyttalǵan.
«Kazhrom» TUK» AQ jańa oqý jylyna daıyndyq úshin turmystyq jaǵdaıy tómen balalarǵa jáne kemtar balalarǵa 11 mln. teńge bóldi. Osy oraıda Kazhromnyń fılıaly – Dóń KBK-niń «Balalar úıleriniń tárbıelenýshileriniń ómiri men karerasyn josparlaý» aksııasyn atap ótken abzal. Kásiporyn Alǵa balalar úıiniń 15 tárbıelenýshisin óz qanatynyń astyna alyp, olardyń ómirin qurýǵa kómektesetin bolady.
Sokolov-Sarybaı ken baıytý óndiristik birlestigi (SSKО́B) aǵymdaǵy jyly úsh jáne odan da kóp balalary bar otbasylardyń jáne asyraýshysynan aırylǵan otbasylardyń balalaryn mektepke daıyndaýǵa 10 mln. teńge kóleminde qarjylaı kómek kórsetti. О́tken jyldardyń qorytyndysy boıynsha osyndaı materıaldyq kómekti bir myńnan astam bala aldy.
Qazaqstan elektrolız zaýyty (QEZ) birinshi synypqa baratyn 75 búldirshinge mektepke qajetti zattardy alýǵa arnalǵan syılyqtyq sertıfıkattar tabys etti. Sonymen qatar, kóp balaly zaýyt qyzmetkerleriniń 45 balasyna materıaldyq kómek kórsetildi. Jalpy, aǵymdaǵy jyly qaıyrymdylyq sharasy aıasynda jarty mıllıon teńgeden astam qarajat jumsaldy. Bul qarajatqa balalardyń ata-analary Pavlodar qalasynda keńse taýarlaryn satatyn úzdik dúkenderdiń birinde qajetti keńse taýarlaryn satyp aldy. Buǵan qosa zaýyt qyzmetkerlerin Kachır balalar úıiniń tárbıelenýshilerin de meırammen quttyqtady. Aksııany uıymdastyrýshylar mektep tabaldyryǵyn attaǵan alty balaǵa qajetti jabdyqtardy tabystady.
«Qazaqstan alıýmınııi» AQ basshylyǵy Bilim kúnine oraılastyryp, mıllıon teńgeden astam qarajat bóldi. Áleýmettik járdemge kóp balaly otbasylar men asyraýshysynan aıyrylǵan otbasylardaǵy 116 mektepke baratyn bala ıe boldy. Aldaǵy josparda odan da kóp qaıyrymdylyq sharalar bar. Zaýyt qyzmetkerleri Úshqulyn aýylynyń oqýshylary men zaýyt qyzmetkerleriniń osy jyly mektep tabaldyryǵyn attaıtyn balalaryna arnap Birinshi synyp oqýshysy kúnin ótkizedi.
«Eýroazııalyq energetıkalyq korporasııa» AQ jumysshylary úshin de balalarǵa kómek kórsetý dástúrli is-shara. Kompanııa turmystyq jaǵdaıy tómen otbasylar men kóp balaly otbasylardaǵy balalarǵa, jetim balalarǵa kómek kórsetedi. Buǵan qosa, kásiporyn qyzmetkerleri muqtaj balalarǵa arnap qarajat jınaıdy. Aǵymdaǵy jyly korporasııa osy maqsatqa 4,5 mln. teńge baǵyttady. Olardyń 1,5 mln. teńgesi Aqsý qalasyndaǵy kóp balaly jáne turmystyq jaǵdaılary tómen otbasylardaǵy balalardyń mektepke qajetti keńse zattaryn alýǵa baǵyttalady. Bul qarajatqa mektep formasy, aıaq kıim jáne oqý quraldary alynady. Osynshama qarajat Ekibastuz qalasyndaǵy «Úmit» balalar úıine de baǵyttalmaq.
Jáırem KBK aksııa aıasynda 4,1 mln. teńge baǵyttady. Oǵan kóp balaly jumysshylardyń 419 balasy mektepke qajetti zattar satyp aldy. «Shubarkól kómir» AQ 1,6 teńge jumsap, 184 balaǵa kómek kórsetti.
Eýrazııa tabıǵı resýrstar korporasııasy árqashan jas urpaqtyń bolashaǵy týraly oılaıdy. Biz jas qazaqstandyqtardyń bilimdi jáne baqytty bolǵandaryn qalaımyz, dep atap ótti ENRC PLC bas atqarýshy dırektory Felıks Výlıs.
2012 jyly ENRC Qazaqstandaǵy áleýmettik jobalarǵa 16 mlrd. teńge baǵyttady.
«Egemen-aqparat».
