Qazirgi ýaqytta Azamattarǵa arnalǵan úkimettiń 2.5 myńnan astam front-keńseniń qyzmetkerleri 1414 nómiri arqyly keńes berýge beıimdelgen. Onyń ishinde Almaty qalasynyń 17 front ofısiniń 150-den asa qyzmetkerleri Azamattarǵa qashyqtyqtan keńes berýge jumyldyrylyp, úıde otyryp qyzmet kórsetýde. Talap boıynsha jumys erteńgi saǵat 9-dan bastap keshki 18.30-ǵa deıin jalǵacady.
Búgingi kúni memlekettik qyzmettiń 80%-dan astamyn elektrondyq úkimet portaly arqyly onlaın alýǵa bolady. Degenmen, kez kelgen adam saıtta óz betinshe jumys isteı bilmeıdi ári qosymshalardy túsine bermeıdi. Sondyqtan keńesshiniń jumysy óte mańyzdy.
Azamattarǵa arnalǵan úkimettiń Alataý front-ofısiniń mamany Baýyrjan Bekpaev HQKO-da10 jyldan beri jumys isteıdi. Jary Shynar Moldahanova da segizinshi jyldan bergi aralyqta Almaly aýdandyq HQKO-da jumys istep keledi. Baýyrjan pen Shynar azamattarǵa onlaın-keńes beredi. Shynardyń jumysy 9-dan 16-ǵa deıin bolsa, Baýyrjannyń jumysy 13-ten 20-ǵa deıin. Bos ýaqyttarynda balalaryna kezekpen kóńil bóledi.
Jumys tynymsyz. Ortalyqqa qatyssyz suraqtar da kóp qoıylady. Koll-ortalyqtyń operatory bolý óte qıyn. Belgili bir aqparatty berýmen qatar, qońyraý shalýshylardyń narazylyǵyn da tyńdaýǵa týra kelip jatady.
«О́kinishke oraı, kóp jaǵdaıda adamdar ashýlanyp, barlyq jaǵymsyz sózdermen balaǵattaıdy. Keıde biz óz salamyzdyń suraqtarymen qatar, qońyraý shalyp surap jatqan soń, olardyń kóńilinen shyǵý úshin ózimizge qatysy joq suraqtarǵa da jaýap berýimizge týra keledi. Adamdy ashýlandyratyn balaǵat sózderdi estip, óz-ózimizdi áreń ustaıtyn kezder bolady. Sebebi, bizde nusqaýlyq bar: qońyraý shalýshyǵa jáılap eskertemiz, jaýap retinde daýysty kótermeımiz. Bul óte qıyn, biraq arandatýshylyqqa berilmeýge tyrysamyz. Qazirgi jaǵdaı bárine de aýyr ekenin túsinemiz.Tynyshtyqty saqtaý óte mańyzdy», – deıdi onlaın-operator, №5 Mamandandyrylǵan HQKO mamany Raýan Dıhanbaı.
«Onlaın operatorlar kúnine qansha qońyraý qabyldaıdy?» degen suraqqa oraı jaýap bergen ǵymyzǵa Bostandyq aýdandyq front-ofısiniń mamany, koll-ortalyq operatory Almagúl Qabyltaevanyń bes jyldyq jumys tájirıbesi bar. Túski úzilis kezinde otbasy múshelerine tamaq daıyndap, birge otyryp túski as iship, jumysyna qaıta jumysyna kirisedi. «Bir mınýt ishinde 3-4 qońyraý túsedi. Kúnine 200-250 qońyraýǵa jaýap beremin. Barlyq qońyraýǵa jaýap berýge tyrysamyn dep, keıde tamaq týraly umytyp ketetin jaıttar bolady. Osyndaı qıyn kezeńde halyqqa paıdamdy tıgizýge tyrysamyn. Olar da erikkennen qońyraý shalmaıdy. О́z bilgenderimizdi bólisip, alǵys alǵanǵa ne jetsin» deıdi A.Qabyltaeva.
Almaty qalasy Alataý aýdany HQO-synyń qyzmetkeri Quralaı О́mirova azamattardan kún saıyn 300-ge jýyq qońyraý qabyldaıtynyn aıtady. «Arasynda úıde otyrǵan eki balama da kóńil bólemin. Bári ýaqytsha qıyndyqtar. Qazaqstan halqy bul qıyndyqty da eńseretinine senemin. Eń bastysy – birligimiz joǵalmasyn, - deıdi ol.
Mamandardyń aıtýynsha, koll-ortalyqqa qońyraý shalǵan turǵyndar týý týraly kýálik alý, bala týýyna baılanysty járdemaqylar, MAB jazý, avtokólikke qatysty qujattardy úıge jetkizý qyzmeti, onlaın ESQ alý, jeke kýálik alý, ýaqytsha jáne turaqty tirkeý, emhanaǵa bekitý týraly, avtokólik quraldaryn esepten shyǵarý jáne qoıý, avtokólikke tyıym salýdy tekserý, júrgizýshi kýáligin qalaı alý jáne aýystyrý týraly, sondaı-aq, azamattyń qaıtys bolǵandyǵy týraly kýálikti qalaı alý kerek, jerleýge arnalǵan qujattardy, tehnıkalyq pasport, jer ýchaskesiniń memlekettik aktisi, JK qalaı ashýǵa bolady jáne t.b. suraqtardyń jaýabyn izdep jatady.
ALMATY
