Biraq osynyń ózi byltyrǵy jyldyń sáıkes merzimimen salystyrǵanda tómendeý eken. «Bıyl órt sany 30 paıyzǵa tómendedi, zardap shekkender sany da azaıǵan. Biraq ólgender sany byltyrǵydan bes ese artty», dedi ol.
Mamannyń aıtýyna qaraǵanda órtterdiń shyǵýynyń negizgi sebebi pesh ornatýda jiberilgen qatelikter. О́rt qaýipsizdigin saqtaýdy kóptegen turǵyndar bilmeıdi. Sonymen qatar elektrmen jylytylatyn peshterdi ornatýda da qatelikter jiberiledi.
«Shyqqan órtterdiń arasynda eń aıanyshtysy - bıylǵy Aıyrtaý aýdanyndaǵy Aryqbalyq aýylyndaǵy ot boldy. Onda 1963 jylǵy úı ıesi men onyń 1973 jyly týǵan áıeli kóz jumdy», dedi N.Atyǵaev.
Odan ári órt sóndirýshiler bastyǵy halyqty órt qaýipsizdigin saqtaýǵa shaqyrdy. Árbir adam byqsı bastaǵan órttiń mańynan beıjaı ótpeı, qolyndaǵy telefonymen 103 nómirine habarlasa salsa, qasiretti jaǵdaılar az bolar edi, dedi ol.
Sonymen birge N.Atyǵaev kóktemgi egiske alqapty daıyndaý úshin qoıylatyn órtterdiń qaýipsizdigi týraly da aıtty. Ondaılardyń kesirinen týyndaǵan birneshe órtterdiń mysaldaryn da jetkizdi.
Soltústik Qazaqstan oblysy
