Almaty qalasy boıynsha qorǵanys isteri jónindegi departamenttiń basshysy Amantaı О́serbaev arnaıy jıynǵa shaqyrylǵan azamattardyń jumys oryndary tolyqtaı saqtalatynyn jetkizdi. Jumys isteıtin jandarǵa jumysyndaǵy ortasha jalaqy tólense, jumyssyzdarǵa da eń tómengi aılyq mólsherinde (42 500) eńbekaqy tólenbek. Onyń sózinshe, almatyda arnaýly sharaǵa barýǵa óz erkimen nıet tanytyp otyrǵandar az emes. Aıtalyq bir aptanyń ishinde 360 azamat ótinim bildirgen.
– Áskerı jıynǵa tek qyzmetke jaramdy azamattar ǵana shaqyryldy. Olar medısınalyq komıssııanyń tekserýinen súrinbeı ótken, 60 jastan aspaǵan zapastaǵy ofıserler. Áskerı esepke alý oryndarynda kezekke turyp koronavırýs taralýyna ońtaıly ahýal týdyrmaý úshin aldyn ala jergilikti áskerı esepke alý mekemelerine telefon arqyly baılanysý qajettigi turǵyndarǵa barynsha eskertildi. Taǵy bir aıta keterligi, arnaýly erejege sáıkes úsh balasy bar áskerı mindettiler atalǵan sharaǵa shaqyrylmaǵanymen, olardyń jubaılarynyń notarıýs arqyly kelisimi bolǵan jaǵdaıda jıynǵa barýlaryna bolady, – deıdi Amantaı О́serbaev.
Bir aı boıy jalǵasatyn arnaıy jıynǵa áskerı mindettiler óz úılerinen qatynaıdy. Memleket tarapynan olarǵa túski jáne keshki as tegin beriledi. Departament basshysy kezekti jıynnyń kelesi kezeńderiniń ýaqyty belgisiz ekenin, ony mınıstrlikpen ákimdik belgileıtinin aıtty. Osyǵan deıin qorǵanys mınıstri qazaqstandyqtardyń nege áskerge shaqyrylǵanyn túsindirip, olardyń nemen aınalysatynyn málimdegen bolatyn.
