Jartylaı aýyr salmaqta aıqasyp júrgen 32 jastaǵy AQSh sportshysy 2008 jyldan beri osy sport túrin serki etýde. Búgingi tańda ol UFC promoýsheniniń shoq juldyzy. Barlyǵy 28 kezdesý ótkizgen Djon Djons tek bir ret qana utyldy. Onyń ózinde taza aıqasta jeńilgen joq. 2009 jyly Mett Hemılge qarsy básekede ruqsat etilmegen ádis qoldandy degen jeleýmen ol jarystan shettetilgen bolatyn. 20 qarsylasyn Djons aıqyn basymdyqpen utty.
Ekinshi orynda – reseılik Habıb Nurmagomedov. Jeńil salmaqtaǵy 31 jastaǵy Daǵystannyń óreni 28 jekpe-jektiń barlyǵyn óz paıdasyna sheshti. 18 kezdesýdi ýaqytyna jetkizbeı aıaqtady.
Úshinshi satyǵa Stıpe Mıochıch jaıǵasty. Horvatııada týyp-ósip, keıinnen AQSh-qa qonys aýdarǵan asa aýyr salmaqtaǵy 37 jastaǵy saqa sportshy 22 ret oktagonǵa shyǵyp, 19 ret jeńis toıyn toılady. 15 márte aıqyn basymdyqqa ıe boldy.
Sondaı-aq, «TOP-10» erejesiz jekpe-jek sheberleri sanatyna Genrı Sehýdo (AQSh), Danıel Korme (AQSh), Robert Ýıttaker (Aýstralııa), Kamarý Ýsman (AQSh), Demetrıýs Djonson (AQSh), Tonı Fergıýson (AQSh) jáne Dastın Pore (AQSh) syndy sańlaqtar enip otyr.
