Aımaqtar • 11 Sáýir, 2020

Shymkent: 1290 medısına qyzmetkerine ústemaqy tólendi

200 ret

kórsetildi

1 mın

oqý úshin

Memleket basshysy Qasym-Jomart Toqaev koronavırýspen kúresip jatqan medısına qyzmetkerlerine kómek kórsetý týraly tapsyrma bergen bolatyn. Osyǵan oraı, búgingi kúni Shymkent qalasynda 1290 medısısına qyzmetkerine ústemaqy tólendi. Bul týraly Shymkent qalasy ákiminiń birinshi orynbasary Erbol Sadyr qalalyq densaýlyq saqtaý basqarmasynda ótken brıfıngte málimdedi.

Nurshat TО́KEN

Shymkent: 1290 medısına qyzmetkerine ústemaqy tólendi

Oǵan sáıkes, medısına qyzmetkerleri jumysynyń qaýiptiligine qaraı 3 topqa bólingen. Birinshi sanattaǵy óte qaýipti jaǵdaıda jumys isteıtin 24 qyzmetkerge 8,7 mln teńge bólindi. Ekinshi sanattaǵy qalypty jaǵdaıda jumys isteıtin dárigerler men feldshelerge, 845 medısına mamandaryna 258,3 mln teńge bólindi. Úshinshi deńgeıdegi qaýipsizdik jaǵdaıynda jumys isteıtin 421 medısına uıymynyń qyzmetkerine 51,3 mln teńge bólindi.

- Ústemaqy alǵandar reanımasııa bólimderimen qosa alǵanda, juqpaly aýrýlar stasıonarlarynyń dárigerleri, karantındik aımaqtaǵy orta jáne kishi medısına qyzmetkerleri. Sondaı-aq provızorlyq stasıonar men jedel járdem qyzmetiniń dárigerleri men jedel-járdem júrgizýshileri, - dedi qala ákiminiń birinshi orynbasary E. Sadyr.

Aıta ketsek, qaladaǵy epıdemıologııalyq jaǵdaı taýarlar men qyzmetterdiń sapasy men qaýipsizdigin baqylaý departamentiniń, qala ákimdiginiń jáne Shymkent qalasynyń Densaýlyq saqtaý basqarmasynyń baqylaýynda. Epıdemııaǵa qarsy úzdiksiz is-sharalar júrgizilýde.

Shymkent