Qazaqstan • 11 Sáýir, 2020

Kóliktik baqylaý salasynda tasymaldaýshylardy elektrondyq tekserý iske qosylady

162 ret

kórsetildi

1 mın

oqý úshin

IIDM Kólik komıteti aǵymdaǵy jyldyń 15 sáýirinen bastap kóliktik baqylaý beketterinde qaǵazben berilgen ruqsattardy tekserýdi alyp tastaıdy, dep habarlady IIDM baspasóz qyzmeti.

Suńǵat ÁLIPBAI

Kóliktik baqylaý salasynda tasymaldaýshylardy elektrondyq tekserý iske qosylady

Onyń ornyna endi tekserý Kólik komıtetiniń kóliktik derekter bazasynyń aqparattyq-taldaý júıesiniń kómegimen júzege asyrylady.

Iаǵnı, tasymaldaýshylardan ózimen birge qaǵazdaǵy ruqsat berý qujattarynyń bolýy talap etilmeıdi. Osy ruqsattardy berýge maquldanǵan ótinim jáne qoldanystaǵy zańnamaǵa sáıkes elektrondyq úkimet portalyndaǵy jeke kabınette ruqsat berý úshin memlekettik organ qabyldaǵan memlekettik baj (qajet bolǵan jaǵdaıda) bolsa jetkilikti.

Mundaı ruqsattardyń tizimine engen qujattar:

- iri kólemdi jáne aýyr salmaqty avtokólik quraldarynyń júrip ótýine arnaıy ruqsat;

- 1, 6 jáne 7-synyptaǵy qaýipti júkterdi tasymaldaýǵa arnaıy ruqsat;

- avtokólik quralyna ruqsat kartochkalary;

- halyqaralyq júk tasymaldaýǵa ruqsat berý kýáligi.