Qan plazmasy quıylǵan naýqastar reanımasııa men ıntensıvti terapııa bóliminde tynys alý apparatyna qosylǵan. Barlyǵyna birdeı 200 ml donor plazmasy quıylǵan. Olardyń jaǵdaıy plazma quıylǵannan keıin úsh kún ishinde jaqsy nátıje kórsete bastaǵan. Qan quramyndaǵy lımfosıtter kóbeıip, baýyr jumysy jaqsarǵan ári ókpe qabynýy báseńdegen. Bir naýqas eki kúnnen keıin tynys alý apparatynan bosatylǵan. Nátıjesinde on naýqas ta jazylyp shyqqan. Qorytyndysynda ımmýndyq júıe antıelalarmen jeńildegen. Mamandar qan plazmasyn quıýdyń COVID-19 vırýsyna shaldyqqandardy emdeýdegi qaýipsiz jol ekenin aıtady.
Qytaı mamandarynan keıin Fransııa dárigerleri de osy ádisti qoldana bastaǵan. Qytaı mamandary plazmany jaqynda ǵana emdelip shyqqan naýqastan alý qajettigin aıtady. Emdeýdiń bul ádisi aýyrǵanyna eki aptadan aspaǵan naýqastarda jaqsy nitıje beredi. Al on tórt kunnen asyp ketken jaǵdaıda áseri baıaý bolǵan. Sarapshylar koronavırýsqa qarsy vaksına tabylmaı turǵan kezeńde bul ádis aýyr haldegi naýqastardy qoldaý úshin qajet, deıdi.
