Alaıda bul sheshim óndiristik obektidegi oqys oqıǵany, apat saldarynan bolǵan jazataıym oqıǵany tergep-tekserýdi, sondaı-aq lısenzıardyń suratýy boıynsha sýbektige (obektige) barýmen profılaktıkalyq baqylaý arqyly ruqsat (lısenzııa) bergenge deıin ruqsattyq baqylaýdy jáne QR Kásipkerlik Kodeksinde kózdelgen negizder boıynsha jospardan tys tekserýlerge qatysty emes (tótenshe jaǵdaı rejımi aıaqtalǵanǵa deıin).
Aıta ketetin jaıt, aǵymdaǵy jylǵy 23 naýryzda ótken Tótenshe jaǵdaı jónindegi memlekettik komıssııanyń otyrysy barysynda Memleket basshysy baqylaýshy organdar tarapynan bızneske qysym jasaýǵa jol bermeı, quqyq buzýshylyqtyń aldyn alýǵa basa nazar aýdara otyryp, jumys ádisterin qaıta qaraýdy tapsyrǵan bolatyn. Osyǵan oraı aýmaqtyq departamentterge júktelgen jumys tolyq kólemde oryndalady, sondaı-aq, qaýipti óndiristik obektilerdegi ónerkásiptik qaýipsizdik jaǵdaıyna monıtorıng júrgiziledi.
Memlekettik qadaǵalaý júıesi qaýipti óndiristik obektilerdegi oqys oqıǵalar kezinde týyndaıtyn qaýipti óndiristik faktorlardyń zııandy áseriniń aldyn alýǵa baǵyttalǵan. Osy baǵytta bıyl jyl basynan bergi kezeńde ónerkásiptik kásiporyndarda 369 tekserý júrgizilip, nátıjesinde 6604 buzýshylyq anyqtaldy. Sonymen qatar, 100 qaýipti óndiristik nysannyń jumysy toqtatyldy.
