«Qurmetti pasıentter. 13 sáýirden bastap Almaty men Nur-Sultanda koronavırýs boıynsha tegin ekspres-testileýden ótýge bolatynyn habarlaımyz. Odan ótý úshin pasıent www.cdl.kz saıtynda anketa toltyrýy kerek. Densaýlyq saqtaý mınıstrliginiń epıdemıologtary adamdar tobynyń epıdemıologııalyq anyqtamasy negizinde tańdaıdy. Artynsha bekitilgen tizimder «Olımp» KDZ-ǵa túsedi», - dep habarlady «Olımp» KDZ Facebook paraqshasynda.
Tizimde bekitilgen pasıentke baılanys ortalyǵynyń operatory habarlasyp, qaı jerge qaı ýaqytta kelýi kerektigin aıtady.
«Operator nusqaǵan prosedýralyq kabınetke maska kıip, jeke kýálikti alyp, keshikpeı kelý kerek. Kezekte turǵan adamdar bir-birinen 1,5-2 metr qashyqtyqta bolýy tıis. Prosedýralyq kabınetten ótkennen keıin koronavırýs boıynsha ekspres-test alynady. Analız qorytyndysy anketada kórsetilgen poshtaǵa joldanady. Mańyzdy jaıt: Pasıenttiń temperatýrasy baılanyssyz ólsheý quralymen júrgiziledi. Qyzýy kóterilip turǵan adamnan analız alynbaıdy. О́zdigimen prosedýralyq kabınetke, operatormen sóılespeı kelýge bolmaıdy», - dep eskertedi «Olımp».
