Qazir áleýmettik tólemdi alatyndar sany qaıta qaralyp, olardyń úlesi kúnnen kúnge artyp keledi. Tótenshe jaǵdaı kezinde qarjylyq kómekti tek buryn resmı jumysy bolǵandar ǵana emes, ózin ózi jumyspen qamtyǵandar da alatyn boldy. Búginde aýdandyq jáne qalalyq shtabtar demalyssyz kúsheıtilgen rejımde jumys isteýde. 10 sáýir kúngi málimet boıynsha, 42 500 teńge kólemindegi áleýmettik kómekke 328 myńnan astam adam ótinish bergen.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, ótinish berý mehanızmi barynsha ońaılatylǵan: eshqaıda barýdyń keregi joq, azamattardyń ózderine qolaıly bolýy úshin ótinishti bir ǵana elektrondy formatta berýine bolady. Jalpy Almaty oblysy boıynsha bıyl áleýmettik kómektiń barlyq túrleri boıynsha tólem qarjysy er men 27 mlrd 589 mln teńgege jetip otyr.
- Bıyldan bastap AÁK alýshy otbasylardyń 1 - 6 jas aralyǵyndaǵy balalaryna kepildi áleýmettik paket túrindegi qoldaýdyń qosymsha sharalary engizildi. Jyl basynan beri bul kómekti 6 myńnan astam otbasy aldy, ıaǵnı, 13,7 myń bala qamtyldy. Kepildi áleýmettik paket osy aıda da beriledi. Jyl basynan beri AÁK taǵaıyndalǵan otbasylar sany on eki myńnan asty, - deıdi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Zaıda Ilimjanova.
Almaty oblysy
