KELEShEKKE SENIM ZOR

Halqymyzda zeınetkerlerdi eldiń “altyn qory” dep salystyra baǵa bergen tárbıeli oı qalyp­tasqan. Elimizdiń damý jolyn, tarıhyn saraptaýǵa zeınetkerler udaıy zor kóńil bólip, júrip ótken joly men belesti boljaýdy qatar ustanady. Prezıdentimizdiń bıylǵy Jol­daýy – jas urpaqtan bastap, eń­keı­gen qartqa deıin kóńilge qo­nym­dy, jańa onjyldyqqa basqan ár qadamnyń aıqyn baǵdarlamasy. Joldaýda Uly Otan soǵysy arda­gerlerine, zeınetkerlerge, múge­dek­terge kórsetiletin kómek, udaıy qamqorlyqqa alý mindetteri qart­tar­dyń kóńilin bir serpiltip, maq­tanysh sezimin eseleı tústi. Jol­daýdyń basty bir maqsaty retinde halyqtyń densaýlyǵyn saqtaý, ómir súrý uzaqtyǵyn damyǵan el­der qataryna jetkizý máselesi shyn janashyr adamnan týyn­daı­tyn oı. Uzaq jasaǵysy kelgen ár adam salamatty ómir saltyn dárip­tep, ózimen birge bala, nemeresin ertip, sportpen aınalysýy kerek dep túsinemin. Bizdiń otbasy Iva­nov júıesimen densaýlyǵyn shynyqtyrýmen aınalysady, sýda júzý, sporttyq oıyndar, júgirý sııaqty sharalarǵa úı ishimizben qatysamyz. Bıylǵy Joldaýdyń ózekti taǵy bir máselesi ındýstrııalyq-ınno­va­sııalyq baǵdarlamany tolyq, ári tushymdy taldaý arqyly halyqqa jańa jobanyń basym jaǵyn ashyp kórsetip, ıaǵnı álemdegi myqty elý eldiń qataryna qosylýdyń aıqyn joly – ındýstrııalyq-ınnovasııa­lyq jol ekenin aıǵaqtady. Bul baǵdarlama – jańa onjyldyqqa qoıyl­ǵan basty maqsat, keleshek urpaq bolashaǵynyń negizi, órken­deýdiń mańyzdy jańa tabystary. Joldaýdyń bir ereksheligi, HHI ǵasyrdyń alǵashqy onjyldyǵynda qol jetken jetistikter atalyp, túıin­di pikirlermen qatar, kúnde­lik­ti ómirde sheshilý sátin kútip tur­ǵan máseleler oryndy esker­til­di. Bul – Joldaýdyń ómirsheńdigi. Joldaý kóńilge shabyt toltyryp, josparlanǵan izgi isterge jeteleıdi. Keleshekke senim zor. Márııash SAǴYNDYQOVA, bilim salasynyń ardageri. Pavlodar oblysy, Ekibastuz qalasy.