Bular №2-shi jáne №3-shi órt sóndirý bólimderiniń qyzmetkerleri edi. Olar quramynda 6 arnaýly tehnıka jáne 24 adam kúshimen órt sóndirýge kirisken. О́rt shyqqan 9 qabattaǵy páterde adamdardyń bary anyqtalady. О́rtsóndirýshiler aldymen solardy qutqarý qamyna kirisedi. Olardyń jankeshtiliginiń arqasynda 1960 jyly týǵan úı ıesi men onyń 1959 jyly týǵan áıeli aldymen qutqaryldy. Kúıik shalǵan olar №3-shi qalalyq aýrýhanaǵa jetkizilgen. Ekeýiniń jaǵdaılary da ázirge aýyr.
Sondaı-aq osy kireberistegi 87 adam evakýasııalanǵan. Olardyń ishinde 24 balalar. О́rtsóndirýshilerdiń utymdy jumysynyń nátıjesinde órt basqa páterlerge jaıylmaı túngi saǵat 2-den 19 mınót ótkende tolyqtaı óshirildi.
Qazir órttiń shyǵý sebepteri anyqtalýda. Aldyn ala aıtqanda otty abaılamaı qoldanǵandyqtyń kesiri ekendigi belgili bolyp otyr. Úıdiń ishindegi jıhazdar men jeke múlikter ot qushaǵynda qalǵan. Onyń sharpyǵan jeriniń jalpy kólemi 15 sharshy metrdeı.
PETROPAVL
