Qazir halyqtyń tən saýlyǵynan bólek, jan saýlyǵyna qaýip tónip tur. О́kinishke qaraı, qoǵamdyq sanaǵa zııan keltirýdi oılaıtyndar da kezdesedi. Tuńǵysh Prezıdent, mine, osyǵan alańdaýly.
Jalpy, sońǵy 30 jyldyń kóleminde elimiz túrli synı kezeńdi ótkerdi. Məselen, 90-jyldary halqymyz budan da kúrdeli əri jaýapty synaqtardan ótti. Eger tərtipke baǵynyp, jaýapty bolsaq koronavırýs indetinen de aman-esen ótetinimizge kəmil senemin.
Shyndyǵyna kelsek, osy pandemııa bizge úlken ómirlik sabaq bolýǵa tıis. Buryn mən bergen məselelerge endi basqasha qaraýdyń səti tústi. Jahandyq turǵyda qaıda baǵyt alǵanymyzdy tarazylap, ekonomıkadaǵy olqylyqtardy kórýge múmkindik týdy. Əlsiz tustarymyz naqty aıqyndala tústi. Mysaly, Úkimet ımporttyq taýarlardy jergilikti ónimmen almastyrýdyń qam-qareketine kóshti.
Meniń oıymsha, qazirgi qıyn ahýal uzaqqa sozylmaıdy. Taǵy qaıtalap aıtamyn, buǵan qaraǵanda biz 90-jyldardaǵy kezeńdi uzaqqa deıin este saqtaımyz. Rasynda da qazirgi jaǵdaıdy asa qatty oılaýdyń qajeti shamaly. Qazir durys qorytyndy shyǵaryp, keleshektegi qadamdarymyzdy oılastyrǵan əldeqaıda tıimdi. Buǵan deıin ne tyndyrdyq? Aldaǵy ýaqytta qandaı baǵytta jumys atqaramyz? Osyǵan kóńil bólgenimiz durys. Bul mindet birinshiden, egemen elimizdiń tól qurdastary – ordabuzar jastaǵy azamattarǵa júktelmek. Olarǵa qolǵabys etkenimiz abzal. Barlyq resýrs jetkilikti. Bilikti adamdar bar. Medısınalyq mekemelermen qamtylǵanbyz. Túrli baǵyttaǵy zamanaýı klınıkalar búginge deıin salyndy. Tek qana sabyrly bolyp, kez kelgen sheshimdi qabyldamas buryn jeti ret ólshep, bir ret kesýdiń amalyn oılastyrý qajet. Aıtalyq sıfrlandyrýdy alyp qaraıyq. Onlaın oqytý rejimine kóshemiz dedik. Biraq onyń ózi ońaı sharýa emes ekenine kózimiz jetti. Endi sodan oı túıip, kelesi josparymyz júıeli bolýǵa tıis.
Túıindeı kelgende, əlsiz jəne myqty tustarymyzdy bul indet kórsetti. Sondyqtan Elbasy maqalasy der kezinde jarııalandy dep oılaımyn. Bul qazir halyqtyń kóńilinde úmit uıalatady degen senimdemin.
Ivan Saýer,
«Rodına» agrofırmasynyń bas dırektory
