Tutqıyldan kelgen jaman indetten týyndaǵan qıynshylyqtar janǵa batyp, qolǵa qalam alyp, bir aı tolmaı jatyp eki dúrkin maqala jazyp, aǵa urpaq pen zııaly qaýym ókilderine, jastar men kásipkerlerge bar aqylyn aıtyp, sabyrlyq pen birlikke shaqyryp,olarǵa aq tileýin jetkizip otyr.
Maqalalarda aıtylǵan máseleler, elimizde oryn alyp otyrǵan tótenshe jaǵdaı kezinde, halqyńyzdyń qam kóńiline jol taýyp, demeý bolyp, onyń erteńgi kúnge degen senimin oıatty.
Osyndaı qıyn-qystaý kezeńderde halyqtyń oıynan shyǵatyn aqyl-keńes aıtý, olardyń kókeıine nyq senim uıalatý qazirgi kezde tek Elbasynyń ǵana qolynan keledi jáne sol kisige ǵana laıyq. О́ıtkeni Tuńǵysh Prezıdent bılikke kelgen kúnnen bastap birlik týraly aıtyp keledi, osydan 30 jyl buryn elimizdiń tizginin qolyna alyp, qysqa merzim ishinde qazaq degen halyqty álem jurtyna tanytyp, órkenıetti 50 eldiń qataryna qosyp, onyń rýhyn jańǵyrtyp, álemdik básekelestik pen jahandaný zamanynyń talaptaryna saı jańa memleketti qalyptastyrdy. Onyń jemisin halyq kórip otyr. Sondyqtan olar Elbasyna senedi, aıtqandaryn qulaq qoıyp tyńdaıdy.
Osydan bir jyl buryn, Elbasy óz erkimen jáne qalaýymen elimizdiń tizginin talaı synaqtan súrinbeı ótken óziniń senimdi serigi Qasym-Jomart Kemelulyna tapsyrdy. 2001 jyly taǵdyrsheshti kezeńde Qasym-Jomart Kemelulynyń janynan tabylyp, qaısarlyq tanytqany halqymyzdyń jadynda. Sondyqtan Elbasynyń elimizdiń eń joǵarǵy laýazymyna ony usynyp, saılaý kezinde oǵan qoldaý kórsetkenin eshkim umyta qoıǵan joq. О́tken bir jyldyń ishinde, qarap otyrmaı, elimizdiń turaqtylyǵy men birligin saqtaý úshin aıanbaı qyzmet etip, Qasym-Jomart Kemelulyna der kezinde qoldaý kórsetip otyrǵanyn halqyńyz kórip, bilip otyr.
Sizdiń tańdaýyńyzdyń durys ekendigin búgingi ómir kórsetip jatyr.
Qasym-Jomart Kemeluly elimizdiń eń joǵarǵy laýazymyna barǵan kúnnen bastap sabaqtastyqty tý etip ustap, Elbasy aıqyndap bergen sara joldardan aınymaı, elimizdi basqarýǵa bel sheshe kiristi.
Búkil dúnıe júzi elderin dúrliktirip otyrǵan koronavırýs indetiniń aldyn alyp, halyqtyń densaýlyǵy men áleýmettik jaǵdaıyn qorǵaýǵa qajetti aýqymdy is-sharalardy atqaryp, indettiń saldarynan týyndaıtyn qıynshylyqtardy aldyn ala boljap, memlekettik organdar men densaýlyq saqtaý mekemelerinde arnaýly jattyǵýlar ótkizip, der kezinde tótenshe jaǵdaı jarııalap, sonyń saldarynan týyndaǵan aýyrtpalyqty jeńildetý úshin qyrýar qarjy bólip, azyq-túlik pen dári-dármekterdi ýaqtyly jetkizip, osyndaı qıyn-qystaý kezderde halyqqa kerekti barlyq jaǵdaı jasalyp jatyr.
Sondyqtan halqyńyz karantınniń saldarynan týyndaǵan barlyq qıynshylyqtarǵa tózimdilik kórsetip, sabyrlyq tanytyp otyr.
Elbasy aıtqandaı, elimiz bul qıynshylyqtan da aman-esen shyǵady. Qudaı qalasa indettiń emi de tabylady, saldary da joıylady.
Biraq bizdi alda budan da basqa qıynshylyqtar men aýyrtpalyqtar kútip turǵany belgili. Olardy jeńip shyǵý úshin Tuńǵysh Prezıdenttiń aqyl-keńesi men qoldaýy aldaǵy ýaqyttarda da asa qajet bolady dep oılaımyn.
Sondyqtan arandatýshylar men «sybyrlaǵyshtardyń» ishterin kúıdirip, Elbasynyń dara saıasatyn jalǵastyryp kele jatqan Qasym-Jomart Kemelulymen aldaǵy ýaqyttarda da bir jaǵadan bas, bir jeńnen qol shyǵaryp, halqymyzdy qandaı da bolmasyn tyǵyryqtardan shyǵaryp, turaqty jáne baqytty ómirge jetkizetinderińizge senemin. Alladan sizderge sabyrlyq pen zor densaýlyq tileımin!
Erjan ISAQULOV,
Ulttyq qaýipsizdik organdarynyń ardageri, general-maıor, saıasat ǵylymdarynyń doktory
