Joba jetekshisi Túrgel Súleımanlynyń aıtýynsha, bul - elektrondy negizde jasalǵan álemdegi alǵashqy betperde.
«Qazir qoldanylyp júrgenderdiń barlyǵy vırýstarǵa qarsy emes, óndiris oryndary men aýadaǵy shańnan qorǵaýǵa arnalǵan. Al meniń ónimim, eń aldymen, vırýsty joıýǵa baǵyttalǵan. Ishinde arnaıy chıp pen batareıasy bar» deıdi ónertapqysh.
Joba avtorlary memlekettik qurylymdarǵa aryz berip, ónimin patenttep almaqshy. Eger qoldaý tapsa, óndirisin qolǵa almaq.
«Qazir óndiristik nusqasyn daıyndap jatyrmyz. Ol plastmassadan jasalady, óıtkeni qoldanǵannan keıin dezınfeksııalaýy ońaı. Kópke jaraıdy, maýsym boıy paıdalanýǵa bolady. Onyń ereksheligi koronavırýstan bólek adam aǵzasyndǵy ózge de zııandy vırýstar men bakterııalarǵa qarsy tura alady» deıdi Týrgel Sýleımanly.
О́nertapqyshtar mıkrobıologııa jáne juqpaly aýrýlar salasyndaǵy mamandarmen keńesip, maskaǵa arnalǵan baǵdarlamany da daıyndaǵan.
«Qazir ol chıppen jumys isteıdi. Keleshekte ony kishireıtýdi kózdep otyrmyz. Betperde úshin arnaıy baǵdarlama jazdyq» deıdi joba ázirleýshisi Sýbhan Shıhmýradov.
Maskany bes saǵat boıy paıdalanýǵa bolady. Ony telefonǵa arnalǵan adapter ne paýerbanktpen qýattandyrýǵa bolady. Al jańa quraldyń baǵasy 20-30 dollar tóńireginde bolmaq.
