«Stýdentter áleýmettik tólem ala ma degen suraq kelip jatyr. Bul rette stýdentter degen bólek sanat joq. Sebebi ol - elimizdiń kámelettik jasqa tolǵan azamaty. Eńbek zańyna sáıkes, 16 jastan bastap jumys isteýge bolady. Shákirtaqy alatyndyǵyna, almaıtyndyǵyna qaramastan jumys isteýine esh kedergi joq. Ondaı shekteý de qoıylmaıdy», - dedi mınıstr.
Mınıstr stýdentterdiń basym kópshiligi oqý prosesine kedergi kelmeıtin ýaqytta jumys istep júrgenin atap ótti.
«Eger resmı jumys istese, jumys berýshi beredi. Al óz betinshe aqsha taýyp júrgender bolsa, ótinish berýleri qajet. Biraq odan bir kún buryn biryńǵaı jıyntyq tólemdi tóleýi kerek. Sol kezde áleýmettik tólem alady. Biz shákirtaqy alatyndyǵyn ne almaıtyndyǵyn tekserip jatpaımyz», - dedi Birjan Nurymbetov.
