Aýdan ákimdiginiń bastamasymen júzege asqan ıgi sharaǵa turǵyndar dán rıza. 25 keli tartatyn qorapqa un, sýmaı, kúrish, tuz tárizdi eń kerekti azyq-túlik túrleri toltyrylǵan.
– Qazaqta «bólissek toq bolamyz, bólinsek joq bolamyz» degen jaqsy sóz bar. Kásipkerler barymyzben bólisip, qıyn-qystaý kezdememleketimizge, úıde bizdi kútip otyrǵan apa-qaryndastarymyzǵa, baýyrlarymyzǵa barynshakómek qolyn sozaıyq. Biz meıirimdi jandardyń atynan «jaqsylyq jáshigi» degen aksııamyzdyjoldap jatyrmyz. Sondyqtan bárimiz birge bolyp, osy indetten birge qutylaıyq. Eń bastysy – bárimiz úıde bolaıyq, – deıdi kásipker SyrymbekTaýuly.
Turǵyndardy qýanyshqa bólegen qaıyrymdylyq sharaǵa dańqty sportshy Ardaq Nazarov ta atsalysqan. «Búgin elimizde bolyp jatqan jaǵdaıǵa baılanysty kóptegen azamat úıde qur qarap jatpaı, qarlyǵashtyń qanatynan tamǵan sý sııaqty eline shapaǵatyn tıgizip, az da bolsa ıgi amalǵa bet buryp jatqany bar. Kásipker baýyrlarymyzdyń otbasyna Alla taǵala bereke bersin degim keledi. Jaqsylyq kóbeıgen jerde jamandyq bolmaıdy»,deıdi sportshy.
