Sońǵy táýlikte megapolıste taǵy da 27 almatylyqtyń indet juqtyrǵany anyqtaldy. Olardyń barlyǵy da medısına qyzmetkerleri.
Onyń ishinde 21 áıel jáne 6 er adam, aralarynda bir júkti áıel bar. Medısına qyzmetkerleriniń jaı-kúıi kelsek: eki adamnyń jaı-kúıi polısegmentti pnevmonııalaryna baılanysty – aýyr, qalǵan adamdardyń barlyǵynda – qanaǵattanarlyq dep baǵalanýda.
Koronavırýs anyqtalǵan 20 qyzmetker shuǵyl medısınalyq kómek kórsetýdi jalǵastyrǵan Qalalyq ortalyq klınıkalyq aýrýhananyń qyzmetkerleri bolyp tabylady. Taǵy 7 adam bular 4 sáýirdegi alǵash ret tapsyrǵan testileri teris nátıje kórsetken Balalar juqpaly aýrýlar aýrýhanasynyń qyzmetkerleri. Ádette, bular ártúrli patologııasy bar pasıentter, olardyń arasynda aýrý belgileri bilinbegen pasıentter bar bolýy múmkin, sáıkesinshe bul olardyń vırýsty juqtyrýyna sebep bolýy da múmkin. Atalǵan fakti boıynsha qazirgi ýaqytta epıdemıologııalyq tekserý júrgizilýde.
Sonymen qatar, medısına qyzmetkerlerin tekserip-qaraý boıynsha barlyq sharalar qoldanylyp jatqandyǵyn atap ótken jón. Budan basqa, barlyq qalalyq klınıkalardyń ishinde qyzmetkerlerdi koronavırýsqa mindetti túrde tekserip-qaraýmen epıdemııaǵa qarsy is-sharalar kúsheıtildi.
Qazirgi ýaqytta ınfeksııalyq stasıonarda jalpy 122 adam emdelýde.
89 naýqastyń jaı-kúıi – qanaǵattanarlyq, 8 adamda – aýyr, 25 eresek adamda (1 oblystyq) – aýyrlyqtyń ortasha dárijesinde. Em alýshylar arasynda 3 júkti áıel bar.
49 adam: 47 eresek jáne 2 bala saýyǵyp shyqty, ekeýi qaıtys boldy.
Provızorlyq ortalyqtarda 186 adam bar, onyń ishinde 10-y bala, karantındik oqshaýlaýda – 426 adam, úı karantıninde – 6199 adam.
ALMATY
