Elorda • 13 Sáýir, 2020

Elorda turǵyndary koronavırýsqa jedel-testten tegin óte alady

197 ret

kórsetildi

3 mın

oqý úshin

Qazirgideı tótenshe jaǵdaı kezeńinde elimiz erekshe jumys rejımine kóshti. Koronavırýs ınfeksııasymen kúresý úshin qarjylyq qoldaýdy qajet etetin keshendi sharalar engizilip jatyr. О́zderińizge belgili, qarjylandyrý Úkimet rezervinen júrgizilýde.

Egemen Qazaqstan

Elorda turǵyndary koronavırýsqa jedel-testten tegin óte alady

Áleýmettik medısınalyq saqtandyrý qory ózinde bar rezervtik qarajatyn epıdemııaǵa qarsy is-sharalarǵa baǵyttaýǵa daıyn. Úkimet jarııalaǵanqaýly («Halyqty memlekettik medısınalyq qamtamasyz etýdiń keıbir máseleleri týraly», 2020 jylǵy 07 sáýirdegi №182 Qaýlysy) bizge olardy qoldanýǵa múmkindik berdi. Osylaısha, Qor óz tarapynan shamamen 3,5 mıllıard teńge bóledi. Olqarajatqa «SK-Farmasııa» kompanııasykoronavırýsty anyqtaıtyn jedel testterdi satypalady.

«Engizilgen shekteý sharalaryna qaramastan, azamattar qajetti medısınalyq kómek ala alady. Shuǵyl jaǵdaılarda tegin medısınalyq kepildendirilgen kómek aıasynda qyzmet kórsetiledi. Karantındi, qoǵamdyq oryndarda júrýge tyıym salynǵanyn eskere otyryp, pasıent ýchaskelik dáriger qabyldaýyna qashyqtan ótinim bere alady. Qandaı da bir kórsetkish baıqasa, ýchaskelik dáriger tıisti mamandar keńesin taǵaıyndaıdy. Al sala maman-dárigerleriniń keńesin onlaın túrde alýǵa bolady. Sondaı-aq, elorda turǵyndary koronavırýsqa jedel-testten tegin óte alady.», - deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Aıdar Seıitqazınov.

Koronavırýsqa jedel-testti qalaı ótedi?

• Testten ótý úshin pasıent aldymen http://cdl.kz/saıtynda saýalnama toltyrýy qajet;

• QR Densaýlyq saqtaý mınıstrliginiń epıdemıologtary turǵyndardy epıdemııalogııalyq kórsetkishterine qaraı irikteıdi;

• odan ári bekitilgen tizimder OLIMP KDZ-na túsedi;

• bekitilgen tizimdegi pasıentpen Baılanys ortalyǵynyń operatory habarlasyp, test alatyn jerdiń meken-jaıy, ýaqyty, taldaý-test tapsyratyn kezde qoıylatyn talaptar men erejeler týraly aqparattandyrady;

• operator aıtqan em-shara kabınetine keshikpeı, ózimen birge jeke kýáligin alyp, betperdemen (maska) kelý kerek;

• kezekte turǵan pasıentter 1,5-2 metr araqashyqtyqty ustanýy kerek;

• em-shara kabınetinde tirkeýden ótip, sodan keıin koronavırýsqa jedel-test tapsyrýy kerek;

• taldaý-test nátıjesi saýalnamany tirkeý kezinde kórsetilgen pochtaǵa keledi.

Mańyzdy! Pasıentterdiń dene qyzýy ólshenedi (baılanyssyz), joǵary kórsetkishter bolsa, taldaý-test júrgizilmeıdi.

Mańyzdy! Operator habarlaspaı turyp, em-shara kabınetine ózdiginen kelýge bolmaıdy.

Mańyzdy! Ekspress-test arnaıy bólingen em-shara kabınetterinde júrgiziledi, ol jerde basqa taldaýlar alynbaıdy.

Bul sharalar kelýshilerdiń de, qyzmetkerlerdiń de densaýlyq qaýipsizdigin qamtamasyz etý úshin jasalyp otyr.

Sondaı-aq, ózińizdiń jáne aınalańyzdaǵy adamdardyń densaýlyǵyn qorǵaý úshin, myna erejelerdi esten shyǵarmańyz:

• qoldy únemi jýyp júrińiz;

• qolyńyzdy únemi spırti bar arnaıy antıseptıkpen súrtińiz nemese sabynmen jýyńyz;

• asa qajet bolmasa, ÚIDEN ShYQPAŃYZ!